الموضوع
:
كرسي الطفوله
عرض مشاركة واحدة
30-10-2013, 12:21 PM
#
8
منبع الطيب
مراقب عام
رد: كرسي الطفوله
صباحكم / مساكم .. ورد وجوري ياسمين
اسعد الله اوقاتكم جميعاً بكل خير
تحيه عطره خاصه لمستضيفتنا الرائعه ..
الحلاوه لدو
واشكرها جزيل الشكر على حسن الاستقبال و كرم الضيافه
عدت لكم وكلي شوق في ان اجالسكم واستمتع برؤياكم >
ارحمنا يا نزار قباني ههههه
دعوووني اولاً ارتشف من جميل قهوتها
>
ايوه هيا جاك سيلفر الحين
.
.
وتستمر الحياة
.
.
الله الله ..
تسلم الايادي لدو خانم >
بصراحه قهوه ولا كل قهاوي مكه
نجي الحين للموضوع .. احم احم .. بسم الله نبدأ ..
(بما انني معروف باني صريح جداً وواضح جداً فتأكدوا ان ما سأكتبه هو واقعي الذي احببته وطفولتي التي احن اليها دائماً )
تفضلي اخت حلاوه .. >
ترى انا اقصد حلاوه لدو مو اختها زييين ؟
*هل كنت مشآآآآكس أوكنت على نياتك وهادئ؟؟
امممم
بصراحه هيك وهيك > طفل شامل ماشاء الله حولي وحواليه
* كنت بزر قصدي طفل مميّز عند شخص ما؟؟ يعني كنت أغلا البزراآآن وإلا مصفوق على الرصيف؟
لا والله اني كنت من المقربين جداً لاصحاب السلطه العليا والقرار بالعايله
لدرجة ان مصروفي اليومي كان دبل اللي ياخذووونه اخواني واخواتي >
شسوي الله محبب خلقه فيني مو ذنبي طيب ..!
*موقف حصلّك وأنت صغير وللحين مأثر فيك؟؟
امممم
بصراحه المواقف كثيره والذاكره مليانه من كله
بس الموقف اللي ما انساه ودايم يجي ببالي هو .. ان عمري وقتها كان تقريباً 10 سنين وكنت جالس مه الاهل
على سفرة الغدا وكان فيه على السفره صحن كبير من الحبحب (البطيخ) مقطع وكنت بهذيك الابام اعشق هالفاكهه
وطحت أكل بالحبحب بدون شعور ومن النهم
اللي كان فيني وقتها كبرت اللقم حقتي وما صار يفرق معي البذر
اللي موجود فيه وحصل اني اكلت لقمه وبعدها غصييييت
مدري هي اللقمه كبيييره والا حد من الاسره الكريمه اهداني عين على الطاير
ولا دريت الا وانا اكح واكح واكح واللي يصرخواللي يبكيواللي يقول احسن وشمعك ما تاكل زي الناس
المهم ان فيه شخص ما قدرت اميزه كان يضرب على ظهري (بس الشهاده لله اللي كان يضرب كان في قمة اخلاصه ووفاءه لي
) > ياخي اضرب بس مو تدهف هههههه
المهم ان من شدة الضرب وحالة الطوارئ اللي صايره حسيت ان الوضع خطييير وان الموقف لازم تدري عنه منظمة الصحة العالميه وهيئة الامم المتحده ومجلس الامن ..!!
> ترى الدعوه غصه بس لا تجي في ذا المخلوق شوفوا غيره
> والله احبني مثل ما يحبوني كيفي
المهم شالوني وعلى اقرب مستشفى وبعد ما كشف الطبيب والاشعه قال فيه حبه الظاهر من حبوب بذور الحبحب موجوده داخل التجويف للحلق ومكانها صعب شوي لكن راح نصبر عليه كم يوم اذا ما طلعت بلحالها راح نسوي عمليه صغيره ونطلعها
رجعنا البيت وصرت اتكلم واسولف واضحك طبيعي بس لاحظوا ان صوتي تغير وصار خشن شوي > ترى باقي ما بلغت بس الحبه ضاغطه على الحبال الصوتيه ومسويه اكشن
بعد كم يوم اذكر اني كنت ادور على الكوره حقتي وكنت العب فيها بالبيت وياما تتكسر اللمبات واغراض البيت والظاهر ان الوالده اللي يحفظها خبتها وصرت ابكي عشان الكوره تطلع واصارخ وادور عليها واصيح عليهم وفجأه وانا بحالة البكي كحيت كحه الحياة
ولا دريت الا والحبه المصونه نازله بيدي > وقتها تخيلوا الحاله (ميكس) بين البكى والفرح ما ادري انا اواصل ابكي على الكوره والا افرح عشانم الحبه نزلت وما فيه عمليه
..
ومن بعدها لو اشوف اي حبحب تجيني بكيه خخخخخ
* كيف كانت طفولتك بأيامـ رمضان ؟ كنت تصوم قدام اهلك ومن وراهم تفطر ؟؟
لا والله الا اصوم من يوم عمري 10 سنين تقريباً > تقليد للكبار وخرعه من الشيبه وكنت اسمعه يقولون ان اللي ما يصوم تراه كافر خخخخخ اخرع من الكلمه والله
* أكبر عيديّة آخذتها ..كم كآنت .. ومنْ من ؟؟؟ وش كان شعورك وقتها؟؟
بوقت الطفوله طبعاً .. اكبر وافضل عيديه بوقتها كانت من رحيم لي ماخذ اختي جاب لي جهاز كمبيوتر صخر
الى الحين متذكر هالهديه والى الحين يذكرني فيها >
ذلني فيها هالعيديه
.. بس شكله يحب اختي جد (بوقتها طبعاً)
* من أقرب طفلـ/ـة من الجماعة كانـ/ـت أقربلك؟؟ يعني مايضربك آو تضربك ولا تهاآوشك ولآ يهآوشك؟؟
للاسف ما فيه احد ما كان يضربني او يتهاوش معي
>
غيييره ياعمي غيييره
* كم فلقة او صقعه او ضربه >>اخذت على رآسك؟؟
امممممم
لا القرعه سالمه ولله الحمد > كنت ايطالي الا ربع .. الشعر طويل والقرعه آمنه
ما غير دقمه والا شمخه والا كدمه في الساق والظهر
* وش كانت عيارتك << سؤال محرج خخخ
ما فيه مافيه > انا اللي كنت مسيطر على الوضع واعاير في خلق الله
>
والله ما اعلم بها
*وش ترتيبك بين اخوانك ؟ وهل هذآ الشئ اثر في مسيرتك الطفوليه ؟؟
احنا 7 انا الرابع منهم والاول من الاولاد
>
عرفتوا الحين ليش كنت مدلل ؟ ايه ايه يحق لي
*وش اكثر مكان كنت تحب تروح له ؟؟ " ملاهي . حديقه ... الخ
ملاعب الكوره
وتحدي عيال الحاره في الالعاب الثانيه مثل المصاقيل والا الفرفيره وخلافه .. وهيك شي
*وش اكثر لعبه كنت تحب تلعب فيهاا ؟؟
الكوره بصراحه
عشق لا ينتهي
*هل كنت تضرب والا تنضرب أو لاتهش ولاتنش ؟؟
والله كلهم سوا
احيانا اصير اقوى من قرندايزر واوقات احسني مثل بشار (بشارالنحله) مو بشار الاسد .. الله يمحقه
* وش اكثر فيلم كرتوون كنت تحب تشووفه ؟؟
قرندايزر وعدنان ولينا
*موقف صار لك ولحد الحين اذا ذكرته تضحك ؟؟
ببيتنا العامر
كنت هاوي كوره والحوش كبيير مره ويغري انه يكون ملعب ومكان للتمارين
وبأول الحوش فيه نافوره مويه .. طبعاً الكوره تدخل في اغلب مواقف حيايت
> احسن يحق لها ههههه
وانا العب مع اخواني وشات اخوي لي الكوره وعشان الحقها براسي وانا راجع على ورى الا وانا طاير فوق وضربت الكوره براسي وما نزلت على الارض الا وانا في حفرة النافوره
.. طبعاً طحت على يدي اليسار بحافة النافوره وحصل كسر واضطريت اني اجبّرها واجلس بالجبس مدة شهر ونص بس الحلو في الموضوع اني سجلت قووول بالراس يعين ما ضاعت طيحتي بلووووشي
*كنت شاطر بالمدرسة ولا ؟؟
والا
..
نص ونص والله لازم من الدف عشان امشي واعدي
*استايلك وانت صغير.. كيف كآن؟
كله شغل بدل رياضيه من ناحية الملابس
الثوب ما اعرفه الا بالعيد
*هل هناك شخص كنت دايم تتبلى عليه يعني تسوي المصيبة وهو ينضرب ؟؟
مرات كانت تحصل > بس صدقوني ان ضميري يأنبني بعدها وارجع اعترف
*جريمة او مصيبة لـ هذا اليوم تذكرها و مستحيل تنساهاا ؟؟
كنت انا وزميل لي بالمدرسه نسرق طباشير واقلام من غرفة المدرسين
> الله يسامحنا ولا يفضحنا
*كيف كان اول يوم مدرسه لك بكيت ولا لا ..؟
الا ما خليت احد ما صيحت عليه وما بهذلته
مثل ما بكوووني احاول ابكيييهم
*ضعت في مكان؟ .. سوق او حديقه او كورنيش .. اذا ايه قول لنا السالفه ..؟...
ما اخبر والله
الظاهر ان كان لي بودي قادر وانا ما ادري
كل عيون الاسره علي
*وش هي اجمل هديهـ خذيتها في طفولتك...ومانسيتها ابد...؟!
كمبيوتر صخر من قريب لي
*موقف سويته ..والى الحين مااحد يدري عنه ؟
كنت اكل الحلاوة الطحينيه وتخلص من البيت في يومين ولا يدرون وين تروح ومين اللي يتسلط عليها
طيب اعشقها شسوي ؟!! > الظاهر يعرفون بس يتغاضون عن الحرامي
*مين اعز صديق طفولة و الى الان متواصل معه؟؟
احمد
صديق وحبيب العمر
الى الان متواصلين مع بعض
بس المشكله انه الان بجده وانا بالرياض
×××××××××× ××××××××××
خلصت الاستضافه
بس القهوه ما باحت
ما شربت منها الا (جغمه) .. اقصد رشفه
اصلا نسيتها وبردت وانا اكتب
يسلموو حلاوتنا على هيك موضوع
ومشكوره على اني اكون اول ضيف
شرف لي والله
من القلب تقبلي تحيتي واخلص امنياتي
الضيف القادم من ذاكرة الطفوله هو ..
رفيعة الشان
فلـ تتفضل مشكوووره
ـــــــــــــــــــــــــــــــــــــ
التوقيع
أخر مواضيعي
التعديل الأخير تم بواسطة منبع الطيب ; 30-10-2013 الساعة
12:28 PM
.
منبع الطيب
مشاهدة ملفه الشخصي
البحث عن المشاركات التي كتبها منبع الطيب