[زهور زهران]

طيب يانور شكرا ياستي ع الدعوة بس الكرسي مره ضيق كيف قدرتو تقعدوو


ونقول بسم الله ونبدا نجاوب على اسئلتي



*هل كنت مشآآآآكس أوكنت على نياتك وهادئ؟؟

والله كنت هادئه جدا ودايم ع الركن لا اهش ولا انش

* كنت بزر قصدي طفل مميّز عند شخص ما؟؟ يعني كنت أغلا البزراآآن وإلا مصفوق على الرصيف؟
والله مصفوقه ع الرصيف وع الجدر وبالركن وبالزاويه وخليها على ربكم


*موقف حصلّك وأنت صغير وللحين مأثر فيك؟؟

كان عمري ممكن 8 سنوات بس كان وزني 55 اعتقد الله اعلم
وكنا ننام فوق السطح
وكانت معانا بساس صغار متعودين يعيشو معانا
المهم في لليله من الليالي المظلمه وانا نايمه في سابع نومه داخل النامسيه وكان الجو بارد وروعه
واتقلب عن اليمين وعن الشمال
وماصحيت الا وكل اهلي فوقي يضربو فيا
كانت بسه من البساس الصغار ميته تحت كرشي
وربي ماحسيت فيها لما فرمتها
طلعت من تحتي زي الورقه الله يرحمها كانت حلوه رماديه وشعرها كثير
دحين لما اقول لاخواتي ابغى انوم بزرتك عندي
يقولوو لالالالالالا على طول
متعقدين مني عشان قصة البسه
مع اني الان رشيقه زي رشاقة كوندوليزا رايس


* كيف كانت طفولتك بأيامـ رمضان ؟ كنت تصوم قدام اهلك ومن وراهم تفطر ؟؟
اي والله كنت قدامهم اصوم
ولما اشوفهم ادبل في عيوني واحزنهم عليا انا صايمه وميته عطش لا تشغلوني
بس مره شربت وابويه شافني
وضربني هديك الضربه من قفائي <<<< كلام مصري
والكاسه كانت حديد شقت فمي شق وحرمت بعدها


* أكبر عيديّة آخذتها ..كم كآنت .. ومنْ من ؟؟؟ وش كان شعورك وقتها؟؟
والله نسيت وش اكلت امس
بس افتكر اني كنت افرح بلعيد كثير طبعا نقوم من النوم الصبح ونلقى اخوتي الكبار جابو لنا فساتين منفوشه واطواق
وابويه الله يرحمو لازم يعطينا فلوس ويشتري لنا العاب ااااااااه كانت ايااام روعه
ليت الطفولة تعود يوما

* من أقرب طفلـ/ـة من الجماعة كانـ/ـت أقربلك؟؟ يعني مايضربك آو تضربك ولا تهاآوشك ولآ يهآوشك؟؟
بصراحه كنت وحيده يعني مو محتكين مع الناس كثير
بس يعني لما كبرت 13 سنه نور الجنوب هي اقرب وحده لياا
ومازالت ربي يخليها ويطول بعمرها



* كم فلقة او صقعه او ضربه >>اخذت على رآسك؟؟
اوووووووووووووووووووو
اوووووووووووووووووووووووو وووو
اوووووووووووووووووووووووو وووووو
مايتعدوش
جسمي فيلو علامات كتير
يعني اذا ضعت حتلقوني


* وش كانت عيارتك << سؤال محرج خخخ
عيره
بصراحه كل شخص بلبيت يناديني بعيره
بس اكثر شي حتى من عيال الجيران برميل وفوقو كوره
ابويه الله يرحمو كان يناديني بام الخير
مايدري انو ام الخير بقره عند بابا فرحان
بس دحين عيرتي سندريلا
*وش ترتيبك بين اخوانك ؟ وهل هذآ الشئ اثر في مسيرتك الطفوليه ؟؟
الخامسه
وانا بين ولدين الله يخليهم لنا
كنت ضايعه بين الولدين نسيوني
يسكتوني باي شي موزه مصاصه حلاوة فيها دبانه صرصور
عشان كدا كنت هاجده في صغري الاولاد اخدو الجو علياا ربي يجعل يومي قبل يومهم


*وش اكثر مكان كنت تحب تروح له ؟؟ " ملاهي . حديقه ... الخ
الله يرحمو ابويه كان دايم يودينا الحرم وعرفه والبحر
ماعرفت الملاهي الا بعد ماصرت كهله
وماكنت اتشرط ولا اهرج مع الخيل ياشقراء
يعني ماكان في دلع ولا نطلب
اللي يجي نرضى فيه ولو مافي سكت ورحت الركن




*وش اكثر لعبه كنت تحب تلعب فيهاا ؟؟
بصراحه كنت ااحب العب بلعب المطبخ
كان عندي العاب كثير
وغساله ومكينة خياطه
وعرايس
بس افضل لعبه طيارة ورق كن اتفنن اسويها بلجريده واطلع السطوح واطيرها


*هل كنت تضرب والا تنضرب أو لاتهش ولاتنش ؟؟
والله كنت انضرب
عاد دبه وشي طبيعي البزوره المتوحشين يفرحو بهذي اللحمه المحشوره في زاويه وهاااتك ياضرب
وافتكر لما كنت في الابتدائي كانت وحده اكبر مني في مرحله اعلى مني كل ماشافتني تقرصني من كل مكان
وانا اعيط بصمت طبعا بس دموع تنزل الخوف
ااااه لو اشوفها دحين وربي مااخلي جسمها الا احمرمو قرص الا عض كمان بس يالله االله يسامحها


* وش اكثر فيلم كرتوون كنت تحب تشووفه ؟؟
كثير بصراحه بنك بنتر توم جيري
بس المدبلجه
عدنان ولينه
وهايدي
وسالي وبشار لما اتفرجهم ابكي
طلعت حنونه من صغري فديتني



*موقف صار لك ولحد الحين اذا ذكرته تضحك ؟؟
والله المواقف اكيد كثيره بس ماافتكرها
في قدام بيتنا زمان ساحه كبيره
وكنا انا واخواني ونور الجنوب نلعب فيها
وابويه يتفرج علينا من البيت
وكانت لعبتنا كتالي
نجيب كفر السياره ونطلعو من عند بيتنا واحنا نجري وهو يدحدر على تحت يعني كانو يجري ورانا
وكنا احنا تقريبا اربع المهم الكفر يدحدر بقوة وبسرعه
كلهم كانو ماشاءالله عليهم زي الصواريخ
الا انا
امشي زي الاعراج حفيانه الله يكرمكم واتعور من الحجار
والكفرر
ورايا كانو فيا مغناطيس واجدبو علياابسرعه
ومن خبالتي مارحت يمين ولا يسار وتعنقلت
وينقزلكم الكفر على رجلي وتحت رجلي حجر حاد وتنشق رجلي واصيح وابكي وازعق ومازالت علامة الجرح الاالان بس كل مافتكرها انا واخواني نضحك



*كنت شاطر بالمدرسة ولا ؟؟
لا كنت انضرب واوقف وارفع رجلي عند الجدر
وكانت عندي شريطه سوده يحطوها في مريولي
مدارس مكه زمان كانو قاسين علينا
عشان كدا كنت كسلانه
الا انا شاطره



*استايلك وانت صغير.. كيف كآن؟
كورته وحده البسها شهر
اسبوعين عادي والاسبوعين التانيه اقلبها
مدري تعرفو الكورته
فستان له وسط
وشعري عاد قرنين مرفوعه على فوق مدري ليش كانت قروني ترتفع

*هل هناك شخص كنت دايم تتبلى عليه يعني تسوي المصيبة وهو ينضرب ؟؟
لا والله العكس كنت انا اللي يتبلو عليا وانضرب






*كيف كان اول يوم مدرسه لك بكيت ولا لا ..؟
اي كنت ابكي
افتكر مدرسه حنت عليا واعطتني حلاوة


*وش هي اجمل هديهـ خذيتها في طفولتك...ومانسيتها ابد...؟!
ساعه كانت تنور وفيها صورة سندريلا لونها وردي


*موقف سويته ..والى الحين مااحد يدري عنه ؟

اخدت فلوس من عند ابويه واللي انضرب اخويه الكبير
ولما شفت نفسي بعيده عن التهمه سرت كل يوم اسرق
اوووووووووس لاحد يدري






والحمدلله اوووف مابغيت والله توريطه هذا الكرسي الواحد يعصر دماغو عصر عشان يفتكر
عذرت اللي قبلي عشان التاخيرر وكدااا

المهم ضيفي هوا
استاذي الفاضل

محمد الساهر