[عبدالله الطنيني]

من القلب

(لو طال عمر التجافي ما تركنا القِيـــَم )

[poem=font="Simplified Arabic,6,green,bold,normal" bkcolor="silver" bkimage="" border="double,4,indigo" type=1 line=0 align=center use=ex num="0,black""]
يالله يالله مـن بالنـور تمحـى الظُّـلَـم=يا من لعبدك فـي الشـدة رحيـمٍ رؤوفٍ
يا من لطاعتك عبـدك لا امتثلهـا سلـم=يسر جميل الحكم واختـار منهـا قطـوف
وانقش على اقوى الحجارة لو يجف القلـم=مثايـلٍ مـا تذرّيهـا هبـوب الـطّـروف
ينطق بها البكم ويسمّـع صداهـا الأصـم=والجاهل ادرك معانيها والاعمـى يشـوف
سنامهـا الديـن ياقلبـي عليـه استقـم=فيه النجـاة الحقيقيّـة بعسـر الظـروف
إيلا دنـا الحـق منـا وانقطـاع النسـم=ومحاسبٍ عـادلٍ مقبـل علينـا يطـوف
في موقفٍ والندم مـا عـد يفيـد النـدم=لعمـال محصيّـةٍ ولهـا شهـودٍ وقـوف
ياصاحبي بارسل المقصود لـك واستلـم=نزف القريحة وتطمينـات قلـبٍ عطـوف
لو طال عمر التجافـي مـا تركنـا القيَـم=ولا رمينا الحجارة فـي زجـاج الرفـوف
ولا غرزنا الشبـاري فـي مكـان الألـم=ولا قتلنـا مشاعرنـا بـحـد السـيـوف
ألله غفـور رحيـم لـو يــزل الـقـدم=والا حصل من لسان العبد بعض الشطوف
يـا منشغـل بالتّلهّـي راقـب الله وسـم=دامك بظهر السلامة لـم تجيـك الحتـوف
الحـي حـي الضميـر وفيـه لحـمٍ ودم=ما هو بجلمود صخرٍ من صلاب الجـروف
بعض القلوب المريضة يحتكرهـا الـورم=مكينـةٍ خاربـة تختـلّ فيهـا البـلـوف
أصحابها يضحكون ويضمرون(1000) سم=مثل الحنش مظهره ناعم وسمّـه زعـوف
في الوجه مثل المرايـة يغلظـون القسـم=إنك وحيد الصداقة بـدر ليـل النصـوف
وان غبت يا مكبر السبّـة وكثـر النِّقَـم=يقلون يا ثقل ظِلّه يجعلـه فـي الذلـوف
احرص على صحبة اهل العزواهل الكـرم=ما تقني الهـم لا خاويـت شُـمّ الأنـوف
وإحرص على صحبة اهل المعرفة واغتنم=يبقى مكانك على مـا تمتنيـه الشفـوف
والوقت لو غلط مـرّة حـارب المحتـرم=ما يبطي الا وهو شيـخٍ يـؤم الصفـوف
يـوم العلـم دايمـاٍ لابـد يبقـى عـلـم=شدا ومنعـا تحـدى متقنيـن الوصـوف
وايـلا ارتقـى مـرّةٍ ديدانهـا والـخـدم=لا بد من طيحةٍ لاهل النفـوس الضعـوف
صحبة خبيث المساعي خير منهـا العـدم=شمسه ولو جوهـرت فمآلهـا للكسـوف
واللاش لا تكرمـه مـا يستحـق الكـرم=فلحضرته لـو تقـدّم كـل يـومٍ خـروف
بيبـدل الشكـر والمعـروف سـبـة وذم=أيلا انقلب عند ربعـه ضاربيـن الدفـوف
من خوّته مـا تحصّـل غيـر هـمٍّ وغـم=بِعْ خوّته بالرخيصة ما عليهـا حسـوف
خذها نصيحة محبٍ لـك وتبـرى الذمـم=تجـاربٍ بالجبـور ونثرهـا بالصّـروف
واستغفـر الله مـن زلّـة لسـان وقـدم=الـي بعبـده فـي الشـدة رحيـمٍ رؤوف
[/poem]

حقوقنا محفوظة حفظكم الله

وسلامتكم يا كرام