[عذبة الاوصاف]

السلامـ عليكمـ ورحمة الله وبركاتهـ


اخواني الاعزاء من كم يوم زرت المملكة العربية السعودية لمدت
يومين

وهاي مب اول زيارة طبعاا بس للاسف شفت شي غريب حاصل في المولات وبعض الاماكن العامة؟؟؟؟


بدخل في السالفة على طول وما بطولهاا كنا انا واخواني رايحين احد المولات في الرياض ودخلنا احد المحلات وما اشوف الا دخل علينا واحد ملتحي وماشاءالله عليه يعني ما مقصر في عمره
المهم قال للبايع هات جوالك رد عليه البايع ليش شو تبي فيه انته ماعندك جوال؟؟ .. رد علية الاخو هاته اقولك ولا تنسحب على القفص ؟؟ انا وربي خفت وقلت يلا نطلع احسن واحنا طالعين الا اشوف المسكين البياع مسحوب من يدة بالقو والله كسر خاطري

طبعا انا ماكنت ساعتها فاهمه شي من الموضوع ؟؟

المهم سرنااا انكمل مشوارنا في المول والا اشوف واحد ايقول لخوي ممكن جوالك اخوي قال خير ليش شو السبب؟؟ رد عليه الريال قال معاك عضو هيئة الامر بالمعروف!!
طبعاا اخوي رفض يعطية وصارت سالفه لين ادخل واحد من اعيال الحلال وعرف من اخوي انه زاير من الامارات رحب فينا وقال السموحة منكم ورد على العضوو الفاضل من الهيئة وقال والله انكم فشلتونا جدام العرب المملكة معروفه بالكرم وانتو عكستو الحال ؟؟ طبعاا انا ما استوعبت وش اللي صاير عبالي في
شي مستجد في المملكة ؟؟

وكملنا مشوارنا واحنا طالعين من المول ؟؟

قابلنا واحد قال حق اخوي انت صليت ؟؟؟ والله انا قلت ليش يسأل هالريال

وعاد الاذن توه ماذن ماخلص حتى قال اخوي لا والله لاني توه ماذن انته ماسمعته ..قال الاخ من الهيئة ياولد هات بطاقتك
رد اخوي ليش طيب وش تبي فيها .. قال الاخ من الهيئة لما تطلع من المسجد تعال اخذهااا.. طبعا جلسنا ننتظر اخوي لين يرجع وها بعد ساعة لين حصل اللي اخذ عنه البطاقه ...؟؟؟؟؟

انا الحين مستغربه من هالتصرف اللي ماله داعي تفتيش في الجوالات مب من حقهم والتدخل في خصوصيات الغير ؟؟

ما اعرف شو السبب وليش هالتشدد الزايد عن حده مب لهدرجة ؟


حبيت اعرف منكم انتو عايشين الواقع وشكله دوم حاصل هالشي
دام احنا زوار وجي صار ويانا انتو شو يصير معاكم ؟؟

تحياتي

عذبة الاوصاف.