[شتآتـ]

*هل كنت مشآآآآكس أوكنت على نياتك وهادئ؟؟

احيان مشاكسة واحيان هادية حسب الحالة النفسية



* كنت بزر قصدي طفل مميّز عند شخص ما؟؟ يعني كنت أغلا البزراآآن وإلا مصفوق على الرصيف؟
الحمد لله كنت موميزة وخاصة عند الوالد ربي يحفظة وجدي وجدتي 😍




*موقف حصلّك وأنت صغير وللحين مأثر فيك؟؟
ما في موقف






* كيف كانت طفولتك بأيامـ رمضان ؟ كنت تصوم قدام اهلك ومن وراهم تفطر ؟؟

هههه ايه كنت احيان اروح البقالة الي جنب بيتنا واشتري مالذ وطاب واقفل ع نفسي واكل واذا شبعت اسوي نفسي صايمه وتعبانه
تقريبا وانا بالصف الرابع


* أكبر عيديّة آخذتها ..كم كآنت .. ومنْ من ؟؟؟ وش كان شعورك وقتها؟؟

اخذت عيديات كثيره بس والله مو فاكره وش اكير عيديه




* من أقرب طفلـ/ـة من الجماعة كانـ/ـت أقربلك؟؟ يعني مايضربك آو تضربك ولا تهاآوشك ولآ يهآوشك؟؟

هي اكثر من وحده بس ماكان في هوشات ولاضرب
حدي اذا تهاوشت مع اختي اللي اصغر مني بس




* كم فلقة او صقعه او ضربه >>اخذت على رآسك؟؟

مافيش




* وش كانت عيارتك << سؤال محرج خخخ
ماكان في عيارات بس احيان حسب اخر مصيبة سويتها




*وش ترتيبك بين اخوانك ؟ وهل هذآ الشئ اثر في مسيرتك الطفوليه ؟؟
الوسط
لا ماأثر في مسيرتي ولاشي 😃






*وش اكثر مكان كنت تحب تروح له ؟؟ " ملاهي . حديقه ... الخ

اي مكان فيه طلعة احبه حتى لو بس حوش الجيران واكيد الملاهي عشق كل الاطفال ❤





*وش اكثر لعبه كنت تحب تلعب فيهاا ؟؟

اي لعبة عندي العب فيها بس اكثر شي لعبة العرايس ويعنني نسوي حريم وكيذا كنت مستعجلة ع الشقى 😏



*هل كنت تضرب والا تنضرب أو لاتهش ولاتنش ؟؟

لا والله كنت اهش وانش بس الضرب والمضاربة مافي ولا احبها زي ماقلت اذا تهاوشت مع اختي ولاتوصل للضرب



* وش اكثر فيلم كرتوون كنت تحب تشووفه ؟؟

سالي وهايدي وللحين اطالع فيها استرجع الطفولة 😊



*موقف صار لك ولحد الحين اذا ذكرته تضحك ؟؟

اتذكر زمان ايام ماكنا في الخفجي وكان عندي عرايس كثيره
المهم في وحده خوفتني قالت انها في الليل تتحول حقيقة وتجي تقتلك
طبعا كنت طفلة وصدقتها 😭
والعب فيها بالنهار واذا جا وقت المغرب ارميها في حوش الجيران علشان ماتقتلنا
اليوم الثاني الاقيها مع بنت الجيران تلعب فيها وازعل واخذها منها اقول رجعي عروستي
واذا جا المغرب رجعت خفت ورميتها في حوشهم
المهم اني سببت نفسيه لبنت الجيران ارميها في الليل وارجع اخذها في النهار
اتوقع اهلها كان يدعون عليه كانت وحيده اهلها والباقي كلهم اولاد




*كنت شاطر بالمدرسة ولا ؟؟
كنت متفوقه بعد وازعل اذا احد اخذ الاول زيي ابغا بس انا لوحدي


*استايلك وانت صغير.. كيف كآن؟
اتذكر كان شعري طويل وكثيف ومن صغري وانا احب الاناقة
وياكثر ما كنت بسبب لامي جلطة وخاصة اذا جت تمشط شعري والا البس لازم اسبب لها مية علة




*هل هناك شخص كنت دايم تتبلى عليه يعني تسوي المصيبة وهو ينضرب ؟؟

نادرا جدا واذا حصل مع اختي الي اصغر مني




*جريمة او مصيبة لـ هذا اليوم تذكرها و مستحيل تنساهاا ؟؟

ماعندي

*كيف كان اول يوم مدرسه لك بكيت ولا لا ..؟

حاولت اني ماابكي عمتي كانت معلمة معنا في نفس المدرسة واخاف ابكي وتعلم اهلي
ويمسكونها عليه يادمعة
علشان كيذا كرامتي وقفت حاجز امام دموعي هههه




*ضعت في مكان؟ .. سوق او حديقه او كورنيش .. اذا ايه قول لنا السالفه ..؟...
لا ولله الحمد
بس اتذكر اختي مره واحنا في الحرم في السعي خلصنا وهي ع بالها ان السعي ماله نهايه تفكرنا نلعب وكانت تبغا تزيد شوط ثامن
وابويه حصلها بسورعه ماطولت
واخذتها امي بالاحضان وانا زعلت يوم رجعت ودي انها ضاعت





*وش هي اجمل هديهـ خذيتها في طفولتك...ومانسيتها ابد...؟!
اتذكر الوالده ربي يسعدها ويحفظها ويطول بعمرها شرت لي سلسال وتعليقة ذهب وكنت فرحانه
فيها مره

وبعد خالي هداني ساعة للحين اتذكر شكلها



متى هي المرة من المرات اللي حقدت فيها على اهلك وانت صغير
يعني سوولك حركه قدام احد وانقهرت بقوة ؟؟

مو حقد زعل
اذا طلبت شي ولااحد عبرني كنت افكر بالهجره هههه
الحين ولدي ربي يحفظه زيي اذا زعل يقول لي خلاص باطلع من البيت باروح ادور لي ع ام ثانية غيرك ويسوي نفسه يعنني يبغا يودعني



موقف سويته ..والى الحين مااحد يدري عنه ؟
ماتذكر


*مين اعز صديق طفولة و الى الان متواصله معها؟

كثير من صديقاتي مازلت متواصله
معاهم
لكن في ثنتين للحين مااعرف عنهم شي وكانوا عزيزات علي بالمره اذا تذكرتهم احس بحنين وشوق مؤلم
وحده سعوديه بس ابوها اتذكر كان شديد معاهم بالمره وفجأة نقلت من المدرسة بدون ماتودعنا وأتمنى من كل قلبي ان ربي يجمعني بها في الدنيا والآخرة 😔

والثانية كانت سوريه من دير الزور
كانت اكثر من صديقة وكان اهلها جيراننا
وبعد ماخلصت الثانوي رجعت سوريا تدرس صيدلة
وكنت اتواصل معاها لكن بعد الحرب انقطعت اخبارهم نهائيا حتى الوالد كان يتصل عليهم والخطوط كلها ماتوصل 😭
حسبنا الله ونعم الوكيل عليك يابشار