[شمس عصرا]

حياك الله شتات..انا غبن واستنى حد يمد لي بكاسة عصير والا فنجال قهوه
واثر ماشي
هيا ما يرزا..البخت اني محتصي بعصير الجواهر الثلاث ,باتوصل به واجتغمه وماعدا الحلقوم ليته زقوم

*هل كنت مشآآآآكس أوكنت على نياتك وهادئ؟؟

- مشاكس وعلى نياتي بنفس الوقت..هذي ماتنفصل عن هذي ولاتناقضها
فالمشاكسه لاتعني النذاله دائما..بل حتما تعني الشقاه

* كنت بزر قصدي طفل مميّز عند شخص ما؟؟ يعني كنت أغلا البزراآآن وإلا مصفوق على الرصيف؟

- كنت الاغلى والاثر عند الوالده والجد والجده

*موقف حصلّك وأنت صغير وللحين مأثر فيك؟؟

- اكيد المواقف كثير..لكن النسيان نعمه

* كيف كانت طفولتك بأيامـ رمضان ؟ كنت تصوم قدام اهلك ومن وراهم تفطر ؟؟

- هيك شي..اعتقد مافي طفل ماحصل له كذا..يبغي يصوم واهله يشجعونه..ويتغفلهم وياكل فالسنبوسه مفتريه وصعب الصمود امام اغراءها

* أكبر عيديّة آخذتها ..كم كآنت .. ومنْ من ؟؟؟ وش كان شعورك وقتها؟؟

- كان هديه عينيه..سياره صغيره زي السيكل اشترتها لي جدتيه

* من أقرب طفلـ/ـة من الجماعة كانـ/ـت أقربلك؟؟ يعني مايضربك آو تضربك ولا تهاآوشك ولآ يهآوشك؟؟

- كثيرين المقربين مني..لكن المضاربات لامفر منها ههههههه

* كم فلقة او صقعه او ضربه >>اخذت على رآسك؟؟

- لايخلو الامر وان بشكل نادر,لكن ماعديتها,فعد السياط اسهل من اكلها

* وش كانت عيارتك << سؤال محرج خخخ

- هههههه مدري ليش جاني فقد ذاكره مؤقت..شرايك ننقز للسؤال اللي بعده هههههه

*وش ترتيبك بين اخوانك ؟ وهل هذآ الشئ اثر في مسيرتك الطفوليه ؟؟

- الاكبر..طبعا,خلاني استشعر ثقل المسؤليه..واخذ الامور العائليه باهتمام وحرص

*وش اكثر مكان كنت تحب تروح له ؟؟ " ملاهي . حديقه ... الخ

- ملاهي عطالله!!..ماكان شي الا المساطح والرباع والمساريب..نتلعب من يوم تشرق الشمس الين يوذن المغرب
حتى الاكل مدري كنا ناكل والا نجتر العشاء والا يمتكن نسوي عملية البناء الضوئي مدري وشسمه حق الشجر
فعلا ماتذكر كنا نروح للاكل..يمكني نسيت

*وش اكثر لعبه كنت تحب تلعب فيهاا ؟؟

الصيد-الكوره-ومعزز- ومطارده الخ

*هل كنت تضرب والا تنضرب أو لاتهش ولاتنش ؟؟

- كنت مسالم لكن عنيد ماخليها فيه لو وش يصير
عشان كذا نادرا مايعذر حد بنفسه ويتورط معيه..ناهيك اني كنت صاحب شعبيه وقياده...يعني اللي يعاندني يخسر بقية الجهله

* وش اكثر فيلم كرتوون كنت تحب تشووفه ؟؟

كل المدبلجه وغير المدبلجه..بس كنت اكره كرتون بوزو..والقحم اللي يجي بعده..ياضيقتي لاجى, يحرمني من الكرتون
قرنديزر كعبول هايدي عدنان ولينا توم وجيري كعبول فلونه ..الخ...بس استثني سالي وفتى الادغال ماحبيتها

*موقف صار لك ولحد الحين اذا ذكرته تضحك ؟؟

- حاليا لايحضرني موقف

*كنت شاطر بالمدرسة ولا ؟؟

- شاطر

*استايلك وانت صغير.. كيف كآن؟

- كعشه طويله زي كعشة كبتن ماجد

*هل هناك شخص كنت دايم تتبلى عليه يعني تسوي المصيبة وهو ينضرب ؟؟

- لا..ضميري من يومه مايقبل الظلم

*جريمة او مصيبة لـ هذا اليوم تذكرها و مستحيل تنساهاا ؟؟

- صح كنت شقي, بس مستحيل اخالف على الناس او اسوي شي مؤذي..حتى السرقات المنتشره من البلاد(لوز اوحبحاج الخ)ماكنت اقبلها او اقبل تحصل وانا موجود

*كيف كان اول يوم مدرسه لك بكيت ولا لا ..؟

- ما اذكر بالضبط بس كانت ايام ممتعه ولذيذه..ومدرسي اولى ابتدائي كان رجل لطيف الله يطول بعمره

*ضعت في مكان؟ .. سوق او حديقه او كورنيش .. اذا ايه قول لنا السالفه ..؟...

- مره رحنا مشوار بالرياض انا وصديق طفوله ومعنا اخواننا وخواتنا..وبرضه كان معنا مجموعه من اطفال الرياض..وطلعنا الشارع نتمشى وابتعدنا..واحنا راجعين اتجه اطفال الرياض يمين بس صاحبي جلس يضحك عليهم ويقول خلهم يضيعون يستاهلون..وغرني ومشيت معه, طلع ان احنا ضعنا وهو يبكي ويصيح وسط شوارع الرياض((يايم منيره ضعنا..يا يم منيره ضعنا)) ههههههه بس الحمدلله رجعنا ادرجنا واستدلينا طريقنا

*وش هي اجمل هديهـ خذيتها في طفولتك...ومانسيتها ابد...؟!

- اتاري

*متى هي المرة من المرات اللي حقدت فيها على اهلك وانت صغير
يعني سوولك حركه قدام احد وانقهرت بقوة ؟؟

- مافي..

*موقف سويته ..والى الحين مااحد يدري عنه ؟

- لايخلو الامر..لكن لا اذكر شيء محدد...وحتى لو اذكر معيني اعلم ههههههه

*مين اعز صديق طفولة و الى الان متواصل معه؟؟

- اللي ضيعنا بالرياض..وكمان في اخرين..صعب نسيان الاصدقاء خاصة اصدقاء الطفوله

شكرا عالاستضافه..واختار بعدي ابومراد