[انا السليمي]

اقتباس: المشاركة الأصلية كتبت بواسطة شتآتـ      قبل شهرتقريبا صار لي نفس هالسالفة وحده من صديقاتي وطبعا من جماعتنا سئلتني عن قريب لي خاطب قريبه لها وهي ماسألتني الا متأكده اني اعرف عنهم كل شي بحكم صلة القرابة في البداية والله ماقلت لها شي قلت ماادري عنه قالت لي مو معقول ماتعرفين هو قريب لكم انتي اكيد خايفه اعلم انو انتي علمتينا المهم اني بعدين فكرت بيني وبين نفسي وسئلت اختي الي اكبر مني وقلت لواني مكان هالبنت راح اتمنى ان احد يعلمني عنهم او ع الاقل ينصحني اذا ينفعون او لا وخاصة ان البنت الي خطبوها مسكينة ابوها متوفي وماعندها اخوان اولاد ولااتمنى انها تفشل في هالزواج مثل الاول واطلقت العملاق اللي بداخلي وسردت لها كل الي اعرفه عنهم من مساويء ومحاسن وكنت المح لها بطريقة غير مباشره ان ماتتسرع في اخذ القرار الخلاصة ان المفروض الواحد مايخبي اي شي يعرفه عن الولد ويقول الصدق وبكل صراخة لان يمكن ينقذ حياة البنت من فشل حياتها الزوجيه وخاصة اذا شي مهم مثل ترك الصلاه او اخلاقة وعشرته سيئة وبعد يفترض من الي يسأل مايروح يعلم ويشره في خلق الله خلاص احمد ربك اذا لقيت احد نصحك وقول لاهل الولد مافي عندنا نصيب وان شاء الله ربي يعوضكم بافضل من بنتنا مولازم تعلم نصا ان فلان علمنا عنكم وقال ولدكم مافيه خيرويبدا يعطيهم التفاصيل احسها سماجه وتخلف الي بيسوي كذا

اهلا بالاخت شتات الرائعه والمميزه بآرائها ومواضيعها وردودها .
بالتاكيد كل شخص بالعالم يتمنى ان يوصل للحقيقه ويتمنى ان يلاقي هذي الحقيقه لو بشق الانفس .
اختي شتات والكلام لكل اخواني الاعضاء .الكرام .
بحكي لكم قصه صارت لواحد من الربع حكى لي عنها يقول فيه ولد من جماعته خطب عند ناس من خارج المنطقه فمن الواجب على والد البنت السؤال عن خطيب بنته سواء في العمل او عند جماعته او اي مكان يلاقي فيه الجواب . فجاء الى الديره فمن الصدف قابل رجل كبير بالسن وساله عن فلان بن فلان قال والله ياولدي هذا زواج وانت تسالني عن مصلحة بنتك ولكن ابشر بقول لك الحقيقه والله ياذا الولد تسال عنه انه ياجي القريه ويروح مايزاور المريض ولا قد شفته في المسيد ( المسجد ) وابوه طرده قبل فتره وبعدها توظف فالنصيحه ياولدي ان تقول مالك نصيب عندي , وبالفعل قام ورد منهم وقال مالك نصييب عندي لكن بعد فتره عرف ان الشيبه هو اللي علمهم ويجي والد الشاب هذا وبعد نهاية صلاة الجمعه ويتكلم امام الجماعه ويقول ( هذا الشيبه وعياله مقروعين بوجه الله لايحضرون مناسباتنا ولايجون في فرحنا ولا في حزننا وحتى لو نموت انا واولادي لايحضر جنازة واحداً منا ) فيقول صارت قطيعه بينهم حتى الميت مايعزون فيه .
نسال الله السلامه .
فهنا نقول مافيه مانع نقول الحقيقه اذا كان هذا الشاب مستقيم . لكن اذا ماكان مستقيم فمن الافضل براي انا ان نقول يابن الحلال هذي مصلحة بنتك ولكن اسال غيري حتى تعرف الحقيقه . وعلى كذا نبتعد عن المشاكل والزعل والحزازيه .
شكرا لك شتات على مرورك وتعليقك