[علي الزهراني]

[align=center]


مخرج ..

يقول أحد الفلاسفه :
في ظل حكومة صالحة فإن الفقر عار، وفي ظل حكومة فاسدة فإن الغنى هو العار !


في ذكرى الـ 15 %
كيف ، كيف ..

كيف نفرح بالزيادة
والجشع بالناس عاده

الرواتب جد زادت وأغلب الأسعار زادت
يعني يعني شي ناقص :
شي مقرف حكي فاضي
زودونا بالرواتب ودبلوا سعر المقاضي .

الزياده جت وربي بوقتها
بس أنا ماشفتها

يامعالي ياوزير التجاره
سجل أسمي والأفاده
ما أستفدت من الزياده

شي يقهر شي مُحزن
كل شي زاد فـ بلادي
واحنا للبترول مخزن !

والحقيقه ان هذا الشعب
جايع كل همه كيف يشبع
كيف يروى كيف يتزوج وينجب !!
صدق هذا الشعب طيـّب
جد وافي جد مخلص
والصراحه ان كيس الرز غالي
وقيمة الانسان أرخص !

وبعد

[poem=font="Simplified Arabic,4,blue,normal,normal" bkcolor="transparent"

bkimage="" border="none,4,gray" type=2 line=0 align=center use=ex num="0,black"]
نسمع كلام ولا نشوف=وش خذنا من كثر الكلام
يلعن أبو جدّ الظروف=خلتنا نحيا في ظلام
يمين، يسار ، جلوس ، وقوف=ياموطني عشت بسلام ![/poem]


وبعدين :

[poem=font="Simplified Arabic,5,purple,bold,normal" bkcolor="transparent"

bkimage="" border="none,4,gray" type=2 line=0 align=center use=ex num="0,black"]
مانبي منكم شهاده=ولانبي صوره وصوت
ما نبي حتى زياده=أكرمونا بالسكوت[/poem]

ياهوووهـ .

[poem=font="Simplified Arabic,5,green,bold,normal" bkcolor="transparent" bkimage=""

border="none,4,gray" type=2 line=0 align=center use=ex num="0,black"]
لاتزيدون الرواتب=الزيادة وش تجيب
حنا مانقدر نحاسب=الفقر قسمه ونصيب
خلوا ذا التاريخ كاتب=عشنا يوم زاد الحليب[/poem]

( تخاريف )

البلد = قصه هويه بس ماعندك أحد
والدراهم = ماني فاهم
القرووووووش = أسأل أصحاب الكروش
والزياده = حكي موجز ، حتى ماجا في الاعاده
والوظايف = أنت شايف
والبطاله = لا محاله
والحرامي = شي نظام
والحقيقة = ماعرفناها دقيقه
والجرايد = حكي زايد
والمشايخ = شف لنا غير المشايخ
والمواطن = شخص دايخ ، عاش عمره في زمن تافه وبايخ .

وحنا !

[poem=font="Simplified Arabic,5,orangered,normal,normal" bkcolor="transparent"

bkimage="" border="none,4,gray" type=0 line=0 align=center use=ex num="0,black"]
أحنا فعلاً تافهين=أحنا أتفه مانكون
لو كذا قالوا : يمين=قلنا حاضر وش تبون
والمصيبه عارفين=وهمّا طبعا يعرفون
حنا ضعنا من سنين=وهمّا باقي يكلون
همّا عالم عايشين=واحنا متنا بالدّيون![/poem]

صدق ..

[poem=font="Simplified Arabic,5,black,normal,normal" bkcolor="transparent"

bkimage="" border="none,4,gray" type=3 line=0 align=center use=ex num="0,black"]
مانبي فله وارض=ولانبي دخل ٍ أضافي
مانبي موتور جديد=ولانبي شي خرافي
مانبي أبراج ومعارض=ولانبي فضة و ذهب
أتركونا ما نعارض=واتركونا نكتتب !![/poem]

(تعريف )
وشهو تعريف الحرامي ؟
يختلس! يسرق! يزوّر !
بس في (قالب) نظامي!

- (نشيد وطني) -

[poem=font="Simplified Arabic,5,darkred,bold,normal" bkcolor="transparent"

bkimage="" border="none,4,gray" type=2 line=0 align=center use=ex num="0,black"]
هذا الوطن أطول قصيدة بحياتي=كتبتها عاشق ، وثاير ، ومقهور
كتبتها والشعر عايش بذاتي=لكن خساره كم بها بيت مكسور
في عجزها تكسير بعض أمنياتي=وفي صدرها زايد شعارات وغرور
وفي بحرها غرقان مثلي ، سواتي=وفي وزنها أشك واقول مجبور
لحنتها أللحان من ذكرياتي=لقيت صوتي بين الأصوات مغمور
قصيدتي وشلون هذي جزاتي =أجبر حروفك واصبح انسان مكسور[/poem]

يقول (محمد الماغوط)
لكي تكون شاعراً عظيماً ،
يجب أن تكون صادقاً ولكي تكون صادقاً يجب أن تكون حراً،
ولكي تكون حراً يجب أن تعيش، ولكي تعيش يجب أن .. تخرس !! [/align]

[align=center]علي الزهراني[/align]