بسم الله والصلاة والسلام على رسول الله
هذة أول مشاركة لي في هذا الصرح الشامخ ولي الشرف أن اكون أحد أعضاء هذا المنتدى
وانتمى أن اكون خفيف ظل على الجميع .
نبداء القصيدة على بركة الله ،،،
يالله يالخالق الفرد الودود
ياباعث المصطفى في نورها
يارب موسى وعيسى ورب هود
يا نافخ الروح ياخلاّقها
يامن على خلقك وعبدك تجود
اقسم لنا الرزق واحفظ مائها
فنفوسنا عزة اجداد الجدود
ما ينحنى الراس لجل اريالها
حنا هل المد من ماضي العهود
نصخى بها لو كثيراً قلها
هذا زماناً دنت فيه الأسود
ايه واعتلت فوقها اكلابها
الهر يقنب قنيب ابلا حدود
وسرحان ماعد هو سرحانها
بعض العرب لو توفّي له جحود
ينسى المواجيب وطيب افعالها
يبدي لك البغض ولأفعالك كنود
ما كنك الا حفرت قبورها
و ياجامع المال لاتفخر بزود
قارون ضره كثير أموالها
وماضر يوسف تدابير الحسود
بالدم لطخ نظيف ثيابها
ودارت رحاها على خشم الحقود
خلته يطلب وفا باكيالها
ياعاقلاً مالعبر اقطف ورود
لا لا يغرك بياض سنونها
مهودها دوم يعقبه السهود
واللي ضحك يوم يبكي سنينها
ترى هل السبت فالماضي تزود
عن غيرها كان يعلى شانها
وبأمر ربي غدوا مثل القرود
في وسط غابة تهيب ادغالها
كسب القناعة على البغيا تذود
هبوب نفس تقلب حالها
نفس الطمع يانكيدات النكود
من طاعها يلقى شرك احبالها
رحماك ياربنا موفي الوعود
يوم المنية تجي بأقبالها
يوم الثرى بساط والسقف اللحود
فالظلمة اللي شديد إغباسها
رحماك يالله في يوم الحشود
يوم الملا في مريع اهوالها
اكتب لنا الخلد في الجنة خلود
مع المحبين نروى انهارها
والنار لا وقّدت لجل الجلود
نقول فال الله ولا فالها
حنا ضعيفين مانقوى اللهود
وذنوبنا من ضعيف البابها
صلوا على من يطالبه الوفود
بشفاعته بخت منهو نالها
صلاة ربي عدد صوت الرعود
وعداد مزناً تهل رذاذها
أخوكم / بن غله