[احمد صعمود]

[][/]

فقيه دار الفهيره عود اسمه فقيد

مرثية الشيخ سراج بن يحى والذي وكان رحمه الله إماما وخطيبا لجامع الملك فهد بالنصباء
حيث لفت الأنظار لفصاحته وتلقائيته وإبداعه في صياغة الكلمة واختيار العبارة التي استقطبت
الكثير من المصلين الذين كانوا يحرصون لحضور خطبه والاستفادة منها.

[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
الحق بركب الصحابه عند رباً رحيم =الحق بركب ابن حنبل والمسيب سعيد
أبكيت قرية كبيره ياسراج الحكيم =أحزنت كل القبيلة ياسراج الرشيد
عزيت فيك القرابه والصديق الحميم =عزيت فيك المراهق والكهل والوليد
عزيت فيك المعافا والمريض السقيم =عزيت حتى الحجارة والشجر والحديد
عزيت مسجدك ذاك اللي مقامه مقيم =هلت من العين دمعه عند باب المسيد
غير امهات الكتب ماشفت انا لك نديم .=والخير مبداك والمبدا عنه ماتحيد
سراجك اشعل سراجه بالظلام العتيم =سراج ماينطفي نوره وعمره مديد
يتصبح العيد في صوتك صباح النسيم = ومن حضر خطبتك لاشك عيده سعيد
مسجدك وارف ظلاله ظل جنة نعيم =كنه من الطين مبني والسعف والجريد
عشنا معك فيه مكه و الزمان القديم =عشنا معك فيه يثرب والمكان البعيد
يتناثر الحرف من صوتك كما قطر ديم = تهتز منه السحابه والفضا والصعيد
صداه في مكرفونك مثل صوت الهزيم =طوعت به كل عاصي لو قرينه عنيد
الخطبه الاْوله عصما تجي بالصميم =والخطبه الثانيه بالمختصر والمفيد
واذا بديت الدعا يصير فـ الجو غيم= يهل مزنه علينا هل مزنٍ شديد
علمتنا قصة ادم واللعين الرجيم =وقصة النفخ يوم الصور بامر المعيد
وقصةالنوم والفتيه بكهف الرقيم = وكلب باسط ذراعه عند باب الوصيد
وبلقيس والعرش والما والكتاب الكريم =والهدهد اللي تسميه انت ساعي بريد
وطور سينا وسينا والنبي الكليم =وخسف قارون بالمال الكثير العديد
وموت فرعون بالما تحت موجٍ لطيم =بكل جيشه وخيله والعتاد العتيد
والجنه اللي اصبحت في صبحها كالصريم =وصفق كف الذي قال انها لن تبيد
سطرت مجد الصحابه فوق منبر عظيم= خلدت في ذاكرتنا كل موقف تليد
واخص بالذكر من قلبك بحبه يهيم = حبيب ربه وسيفه خالد ابن الوليد
ابو سليمان مرهب كل كافر لئيم = نعم الشجاع المحارب والسند والعضيد
حبيت خالد ونهجك مثل نهجه قويم =والمرء يحشر مع من حب يوم الوعيد
وانجبت خالد وخالد نعم نسل الأديم =واخوانه اللي بهم نفخر ودايم نشيد
بالله ياخالد ارسم نار تاكل هشيم= يشبه لظاها لظا واحد مشرد طريد
والا لضا دمع حاير في محاجر يتيم = اضناه فقد الاحبه طول عمره وحيد
يالله تحسن عزانا فـ المصاب الاليم =فقيه دار الفهيره عود اسمه فقيد[/poem]

تقديري
.