[عذبة الاوصاف]

سلامي رديه تجنب عن المنقود(محاورة شعرية بين الشاعر التاريخ والشاعر ابو خالد)



التاريخ
سلامي رديه تجنب عن المنقود
ترقا على متن الهوى طول الأيامي
انا اتلفت للعرب وابذل المجهود
والي تنصاه المشاريه ينلامي


ابوخالد
يا مرحبا ترحيب لاهب معه النود
يرضيك ياللي طايرن بالسماء السامي
ياللي تلفت ملعبتنا تحب الزود
ان كان لك بالملعب عضود وعضامي


التاريخ
دام البقا والبيت يثبت علي العامود
لاشك لد العين يانسل الاكرامي
العد يارجال قبل العرب مارود
تروده الافكار والطيب ينسامي


ابوخالد
اثر رصيدك من قبل يومكم مرصود
يقوله اللي جاك عازم وجزامي
فوق الجبل تطلع وتحذف بخمس حيود
ان طاب لك يوم امس هاليوم ما دامي


التاريخ
ان كان ابو خالد معه حامد ومحمود
انا اتبسم للعرب واكرب حزامي
في واحة الجهراء نشوف الصدير اورد
عد الروا يرويك يالمسني الضامي


ابوخالد
انا معي وال البشر ربنا المعبود
والا انت مدري وين حثيت الاقدامي
ما باقي الا حبتينن من العنقود
حرام تاكلها وانا اجرح بها صيامي


التاريخ
خل الربيع يعود ونقول زان العود
وبل الحيا يحييه ويصير متنامي
الحظ لا خالفك وليت يالمقرود
تومي بكفه وابحر المحمل الشامي


ابوخالد
كانك تخاف النقد جنب عن المنقود
واعطيك تاج العز ووشاح ووسامي
تحزم الصياد والعصر جا مصيود
واصبح عليه الموج من بحرنا الطامي