قارعتي مع طيب الإحساس
قارعة بيني وبين طيب الإحساس تمت خلال الجوال من خلال الواتس ليلة البارح حبيت أطلعكم على جزء منها علما بأنها لازالت مستمرة المشكلة اني كنت عند البحر مع مجموعة زملاء فأحرجني تضايقوا مني ماسولفت معهم
البدع
من طيب الإحساس
يامرحبا واهلين يابو طــــلال
وش غيبك عنا وطال الغيــاب
شرواك نفرح به وسعد الرفيق
لاطول الغيبات جاب الغنــايم
ولا حضر ساعه تغيب ســنه
الرد من جمعان مفرح
اهلين بك في بديتك والطــــلال
الحقتنا سبه وكثــــر الغـــــياب
السيل ذاك اللي مضى جر فيق
اهلك جمال البادية والغنـــــايم
يشوقني في دقلـــــــته محسنه
ثم تحول البدع عند جمعان مفرح
البدع
احرجتنا ذا الليل يابن الحــــــــلال
مانبغي الطلبه وكثر الســـــــــباب
امزح معك وآمون واثرك تضيق
الصدر ضاق وخاطري منك ظايم
وابليس ياكم ناتعــــــــــــوذ مــنه
الرد من طيب الاحساس
الرد
ماينفعك مال(ن) وكثر الحــــلال
فتحت لك باب (ن) وللناس باب
ماعد تفرِّق بين بحر او مضيق
والبير ينضب مايها والكظــايم
وانته جوار البحر تشرب منـــه
البدع جمعان
تعبت هذا العام والــــــــــراس مال
وشفت من خلي صنوف العـــــذاب
اسمع وخذ مني كــــــــــلامن وثيق
شفت الغراب يحوم والصقر حايم
وش قربه مالصـــــــــقر لايــامنه
الرد من طيب الاحساس
بتخسر المكسب مع راس مال
ولا تقول المر يصبح عذاب
باكتف ايدينك بحبلن وثيــــق
عدونا ماله بقلبي رحايـــــــم
مكتوفه ايساره مـــــــعَ يامنه
البدع من جمعان
اترك هروج اهل الفتن والخــــبال
ساق العتم ماهو مثيل الســــــذاب
القات جبته ماليمن والشـــــــــقيق
تمضغ نبات القات وتقول صــايم
انصحك حل عالقات وابعد عنـــه
الرد من طيب الاحساس
خلك وسيع الصدر وطــــــويل بال
بعض البشر من هيبة النــاس ذاب
مالخوف مايعرف عدو والشــقيق
وش بك تقصد وانت صاحي ونايم
ابليس لايضــــــــحك عليك العنــه
البدع من جمعان
تنوي مفارقنا وقطــع الوصال
احذر ترى ربي شديد العقاب
حساب ربي للخلايق دقــــيق
رميتنا واتهمتنا بالتــــــــهايم
تقول حنا من هل العلــــــمنه
الرد من طيب الاحساس
اللي مشى عالدرب ريته وصال
ارتاح مانقوى طلوع العقــــــاب
الليله والا بكره بتـــــــــقول قيق
شايب ولكنك مراهـــــــق وهايم
نصرف دوى لمريض والعل منه
البدع من جمعان
ياما ضربتك بالعصـــــــا والعقال
والجرح ذاك اللي في ايديك طاب
شفتك طلبت انقاذ مثل الغــــريق
ماشفت لك شامت وكاره ولايــم
معروف متعود على الهـــــزمنه
الرد من طيب
مثلك شكى العله فقيد العــقال
وعلته دايم براسه عـــــطاب
الكلمه ينطقها ويحزى بريق
ماشوفه الا لادعي للولايـــم
لحم القعود افناه ينــــهز منه
البدع من جمعان
لقيت قدامي في الخــــط غزال
رميته بالبندق وكانت صواب
لونه فتن قلبي وجسمه رشيق
يرتاع لاهبت هبوب النسايم
ياناس دلوني على مســـكنه
الرد من طيب
متى تهون ربشتــــــك والغــــــزال
ومتى بعد تاجي براي (ن) صواب
ترى الحصى بيجيك منهــــا رشيق
ماينفعك كثر الحلف والقســــــــايم
جمعان هذا الليــــــل يامســـــــكنه
ـــــــــــــــــــــــــــــــــــــ
|