[عبدالمجيد العدواني]

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
ما فيه شي اصعب من الحب لا هان=بالذات مع شخص ٍ يعدك ضنينه
وما فيه شي اقسى من الوقـت لا خــان=واصـبحت في دنياك عينك حزينه
اللي جرى لي ما جــرى لايت انسـان=شـربت من كاس الشقا والغـبينه
حبيبي اللي حطني وسط الاعـيان=وضم الغلا والشوق قبل جبينه
اليوم اصوت له واناديه يافـلان=واقفى وخلاني ولا لد عـينه
اقفى وصدري ممتلي ضيق واحزان=وارخص بقايا ذكراياتٍ ثمـينه
هو من زرع للحب ورده وبستان=واليوم مات الورد من شح عينه
وشلون خلاني بعد كل ما كان=وروح المحبه ليه صارت دفينه
وانا اللي اغليته وحطيت له شان=واهديت له عـمـري وباقي سنينه
كنت احسب ان الحب ما فيه هجران=واحسبت عـيني للـيالي فـطـينه
واثر الليالي ما بها عطف وامان=واثر المحبه لعن ابوها لعينه
الله يا الدنيا لك اشكال والوان=ما فيه شخص الا معك تضلمينه
تضحك معك خلان وتصيح خلان=ومن يامنك لا بد ما تطعنينه
هذا انا من دورتك ذقت الاحزان=كني غريبٍ تايهٍ بالمدينه
اسأل عن اللي راح من غير عنوان=واصيح من قلب ٍ تزايد حنينه
كم لي وانا اشحذ دمع عيني ولا بان=واليوم فاض وجاب خافي كنينه
وانهل مثل الديم من عقب حرمان=واطلق من جفوني سراح السجينه
يا ليت ما انحديت لاغلاظ الايمان=ولا عطاني بالمحبه يمينه
لان الهوى والحب يشقيك لا هان=بالذات مع شخص ٍ يعدك ضنينه[/poem]

.
.

عبدالمجيد العدواني