[عســآف]

[align=center]بسم الله الرحمن الرحيم

الى فئه هي جزء منا ان لم تكن افضل منا ...
الى من ابتلاهم الله فكان ردهم الصبر ...
هي من نسج الخيال .. باحساس صادق
لا اريد الاطـــــاله ... وتقبلو عذري مسبقا ....!!


(( المعاقه ))[/align]



[poem=font="Traditional Arabic,6,#000000,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
ياشيخ روح .. ولعن ابوها صداقه = ماعـاد ينفـع للصداقـه عتبـهـا
مبطي وراسـك مبتلـي بالحماقـه = ما للحماقه غيـر نقْصـر شنبهـا
ياهيس ياابن الهيس راعي الطفاقه = تحّمـد الله... لانولـع حطبـهـا
وانته بخبـري للمراجـل حواقـه = مالـك ومـال المرجلـه ياذنبهـا
مانلت منها غير اسـم .. وبطاقـه = وعلومها قبلـك عكاشـه كسبهـا
رضيعنا ماله علـى الـذل فاقـه = المرجله مـن ديـد امـه شربهـا
واقول لك والشعر عـدى نطاقـه = والسالفه يالثـور تعـرف سببهـا
جيتك انا وهمـوم .. كنـا رفاقـه = واقفيت من عندك وانا اشكي تعبها
من لامني في حب بنـتٍ معاقـه = يبلاه رب الكون منشـي سحبهـا
تضمر عروقه بالدما وسط ساقـه = ويبلاه ربي في محانـي عصبهـا
ويعيش متحـرول ولافيـه طاقـه = يبلش بجسمه مـا تشيلـه ركبهـا
تشناه خلانـه .. وترجـي فراقـه = مثـل البهيمـه لا تكاثـر جربّهـا
وتزوع نفسـه لاحـدود اللبناقـه = ويضج صدره كـن موتـه سلبهـا
يمكن.. يحس احساسها والعلاقـه = ما بين نـار ويـد تلمـس لهبهـا
ما احلى من الاحساس غير اعتناقه = وما اصعب من الدمعه تغطي هدبها
في وقتها اطيش وانسـى اللباقـه = واغرق سعوط الجن باقصي غببها
طوفان شعر وحان وقت انطلاقـه = يـدّك بيـداء الشعـر ياعربـهـا
شاعر طغى مجنون قاف وعراقـه = سبعة ملوك الجـان قافـه غلبهـا
وانت اعتبرهـا درس والا ذواقـه = كان الزمن مـا علمـك تجربتهـا
فلتعلم انـي مـا ادانـي النفاقـه = ولا تحمـل منـك قلـة ادبـهـا
لكن روّح .. دامهـا فـي رواقـه = واترك ظروف البنت للي خلقهـا[/poem]



[align=center]عســآف[/align]