[عبدالمجيد العدواني]

.

ابو جمعان

.

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
نام بحماية اللي خالقك واسـتريح=من سنين المرض والسقم ووجاعه
نام وارتاح خل الهم عقبك طريح=وريح النفس عقب الصبر وصراعه
عشت عمرك جبل ما هزتك اي ريح=وجاك يومك ورحت بنفس منصاعه
كــم حدتـك الثقـــال وشـلتها مـا تطيح=محتزم بالصبر والذكر والطاعه
كان فعلك جميل وكان قولك فصيح=وكان عندك جلادة نفس وقـناعه
البخل ما سكن بيتك ولا انته شحيح=والـكرم مركبه ما تطوي شراعه
لك مع الناس سيره ريحها ريح شيح=وفـيك شيمه وعزة نفس وشجاعه
مت ما غرتك دنياك والا المديح=ولا تبعت الهوى والوقت واطماعه
يابو جمعان عقبك كل قلب ٍ جريح=الله يا ماصعب الترحال ووداعه
يوم جانا خبر موتك وقـالو صحيح=طال لـيل الحزن وتعاوت سباعه
وضاقت الارض فينا والمدار الفسيح=وكن الاحزان للارواح نزاعه
مير هذا قدر مكتوب وامر ٍ صريح=ماعترضنا على المكتوب والساعه
نام جعل الخزاما لك فراش وضـريح=وينبت الورد في ظهره وفي قاعه
رحمة الله عليك وجعل قسمك ربيح=وقدمك في جنان الخلد مرباعه[/poem]

.
.

عبدالمجيد العدواني

.
.