[انا السليمي]

بسم الله الرحمن الرحيم ..
السلام عليكم ورحمة الله وبركاته ..

اسعد الله اوقاتكم بكل خير وسعاده .

اليوم وانا طالع من البيت واذا بذاك الشايب ينادي عليّه ياولد يابو

فلان والتفت له واذا وهو يقصدني قلت ياهلا بالعم كيفك

يابو فلان قال اقول تعال معي لك علماً واسلم عليه قال اجلس هم

جلست قال ماجاك عزيمه من عند فلان قلت لا قال

يمكن العزيمه بالطريق انتظرها . قلت وش عنده ابو فلان قال

زوج بنته من ناس خارج القبيله ويبغي وفايتنا يعني لابد

الجماعه كلهم يحضرون وانا قلت ياولديه يعزم الجماعه كلهم

ولايبقي احد علشان يعرفون انسابه ان عنده جماعه مو

مقطوع من شجره . صراحه جلست افكر في الموضوع

واعتبرت نفسي مكان العريس يادافع البلاء بس طيب جماعتنا

اذا حضرو كلهم يمكن يزيدون عن مئاتي رجال هذا من غير اللي

بيحضر ومعه اهله واولاده وكذلك جماعة العريس

يمكن مثلهم وازود يعني مايكفيهم قصر افراح واحد يمكن ياخذ

اثنين واحد للرجال والاخر للنساء وكم من خسائر سوف

يخسرها علشان انه تزوج من خارج القبيله . رجعت واكلم

الشايب ياعم وشرايك بالشور اللي عندي وكونك انت من

كبار الجماعه وكلمتك مسموعه قال وش عندك . قلت لو يروح ابو

البنت ومعه عشره من الجماعه واقاربه يكفي وبعدين

ذا زواج مو حرب علشان يروحون الجماعه كلهم . نظر لي

الشايب نظره بغى ياكلني بعيونه قال انت تبي تقطع الجماعه

بهذي المشوره معك ولكن الله يفتح لك لاتقول هذي السالفه لاحد

انت ماتبغي جماعتك قلت والله احبهم واذا عليه واجب

ان شاء الله ما انقصر عنهم اما مثل هذا الزواج لايمكن ان اطيعكم

لان فيه تكلفه على العريس وتجتمع كل الناس

في خسارة ذا العريس المسكين يمكن كل المناسبه اللي بيسويها

دين في دين .

انصرفت من عند الشايب وهو زعلان من مشورتي له .

اخواني واخواتي :

هل تؤيدون من يزوج بنته خارج القبيله ويعزم جماعته كلهم على

اساس ان يعرفو جماعة العريس ان والد العروسه عنده

جماعه .يوفونه؟

هل توافقني الراي بان من يزوج بنته خارج جماعته ان ياخذ

اقاربه وعدد قليل من جماعته حتى لايكون هناك تكلفه على

العريس واهله ؟

اتمنى ان تشاركو في الموضوع ويهمني رايكم .