[ابن روزه]

2014 Rover Range


رنـــج روفـر يلـوي ارقـاب ويفتّـح فـواه
ياخذ من الحـرّ عينـه ومـن مقفـاه ذيـب



.
يمكن انّك مـن حلاتـه ومـن كثـرة غـلاه
لـو تزيـد ابـه الحـــــراره توديـه الطبيـب
.


.
لمعـــة ازراره علـى البـاب وبكـل اتجـاه
كنهـا نجـــــومٍ تـلالا علـى رتبـت نقيـب
.


.
حنـت بلوفـه ليـامـن سـواقـه عـطـــــــاه
كنها تنهيـدة الشـوق مـن قلـب الحبيـب
.


لاتـقــــــدّم والمــواتـر تتـابــع مــن وراه
قلت هذا الزيـر سالـم يبـي الثـار لكليـب
.


وان تمايـل والمواتـــر يميـنـه وايـسـراه
مهرةٍ فيهـا مـن الغنـج بالشـي الرهيـب
.


مهــرة ماهـــي تغـطـي مفاتنـهـا عـبـاه
خصرها يا أمّا فـرى كبـد والا طــــرّ جيـب
.



يركبــــه فـي كــل دارٍ شيـوخــــه واوزراه
والا بعض الناس يضرب على بابـه صليـب
.



ماشريته لا اجـل اباهـي بحــسنـه وبحـلاه
كود اسـنّد به شعـيـبٍ واحـدر بـه شعيـب
.


لاتضايق صـدر راعــيـه مـن كثـرة عــــنـاه
وقامت هجوسه تودي من الضيق وتجيب
.


تلّ مفتاحـه وشـيّـك علـى زيـــــوتـه ومـاه
ثم طلع من طلعت الصبح الى وقت المغيب


.
غير جيبٍ ماهـو بكـل مـن شافـه شـراه
قيمتـه ماهـي بتعطـى ولا تهـدا قـريـب
.


.
مشكلـه لاتـاه الانسـان واحتــــارة خـــــطـاه
ووقفت كـــل امنياتـه علـى بــــــاب النصيـب
.