[علي بن الحبين اليحمدي]

السلام عليكم ورحمة الله وبركاته ..****
في اختبار الكيمياء الفتري الاخير
يوم جات الورقه****واذا بي لا احسن فيها شيئا ولا حليت منها غير سوال اخترجته على غير سنع ..
المهم طرت لي ثلاثه ابيات كتبتها ع الورقه وخرجت واكملتها فيما بعد ..
واقول فيها :

يا استاذ تكفى لا تزيد البليه ..
وانته تشوف احوالنا من سنيني ..

ما عندنا للمدرسه قابليه ..
خابر ميولي والعرب خابريني ..

اقصى مرادي بدلة(ن) عسكريه ..
واشيل حمل الدهر عن والديني ..

واعف نفسي عن سوال العطيه ..
والى نصاني الضيف تندا يميني ..

شهادتك يا استاذ عني عصيه ..
كم لي اطاردها وعيت تجيني ..

لو كان تاتي بالكرم والحميه ..
ولا بفخر جدودي الغابريني ..

قد كان حزنا عندك الاوليه ..
وصرنا على الدفعات متصدريني ..

لكن على الله والليالي رديه ..
دايم على اللي ما بغيت اتحديني ..

صابر وباصبر دامت الروح فيه ..
والله يكتبنا من الصابريني ..

وانا عزومي فالشدايد قويه ..
ولغير ربي ما تحدر جبيني ..

عايش على قول المثل بالسجيه ..
ولا اتكلف طبع ماهوب فيني ..

شاعر ولي وقفه ولي مقدريه ..
والى بديت اجمل اللي يليني ..

من عزوة(ن) لا ضاق كوني عليه ..
حطوا مفاتيح الفرج في يديني ..

زهران للي ضامه القيض فيه ..
زبن الدخيل وللقمم طايليني ..

اهل الكرم واهل الكفوف النديه ..
وايمانهم ما مدت الا السميني ..

البارحه يا استاذ والشاذليه ..
اصبها وامنع عن النوم عيني ..

ضاعت علومي بين تيه وتيه ..
ولا معي ياكود ربي معيني ..

صبرت رغم ان الشهاده عصيه ..
ماغير لاجل ارضي بها والديني ..

واعف نفسي عن سوال العطيه ..
والى نصاني الضيف تندا يميني ..

وسلامتكم ..

علي بن الحبين اليحمدي ..