عليك أخاف أكثر من أبوك وأمك = والله ماتلقى مثل قلبي أغلاك
[align=center]السلام عليكم ورحمة الله وبركاته
حضور أولى أتمنى تنال عجابكم ..
[poem=font="Simplified Arabic,5,#000000,bold,normal" bkcolor="" bkimage="" border="none,4,#400000" type=1 line=0 align=center use=ex num="0,#400000"]
ودي اجيك من التعب ثم أضمك = وتشوف أنا وشلون عايش بلياك
قربك عطر ودي من البعد أشمك = أخاف يبرد مابقى لي بذكراك
أبنثرك في عروق قلبي ولمك = وأحسسك بالحب في يوم لقياك
باقي معي أغلى هديه تهمك = صورتك كاتب فوقها مقدر أنساك
متى يزين الوقت وأكون يمك = اقلها اعرف ظروفك ودنياك
ياليتني في أنفاس روحك ودمك = أبقى معك وأعيش الأيام وياك
ياكثر ماني بغربتي شلت همك = انشد نجوم الليل من عقب فرقاك
عليك أخاف أكثر من أبوك وأمك = والله ماتلقى مثل قلبي أغلاك
مارتاح أنا من الوله لين أضمك = وأعلمك وشلون حالي بلياك[/poem][/align]
ـــــــــــــــــــــــــــــــــــــ
|