[البحر الثائر]

اقتباس: المشاركة الأصلية كتبت بواسطة محمد الساهر      , وعليكم السلام ورحمة الله وبركاته سالم ولا بنا نادم وحياك الله وحيا علومك كما ذكرت السيره والديره واحده وماشي طاري خلاف وانحن ولله الحمد في أمن وامان في عهد حكومتنا الرشيده من خير وفي خير الامطار يا الله لك الحمد على كل ديره والناس ما عاد تزرع ولا تحصد وأكتفت بما في الاسواق من خير ونعايم وكل شي متوفر. وانحن نفتقد بعض الحزات لك معنا خمس سنين وما تبدي علينا الا من وقت لوقت فحياك الله بيننا ونتمنى أنك ما تقطعنا من تواصلك ومشاركاتك. واما من جهة تغيير لون وواجهة المنتدى فهذا وانا أخوك له ناس تتصرف في أملاكها ومحتواها وأنحن ضيوف ومضيفه عند أبو نضال الدوسي ومتى ما شاف أن الموقع يحتاج للتغيير فلن يبخل بهذا الشي والمهم عندنا هو أنا نفيد ونستفيد ولا المظاهر ما نهتم بها أهم شي عندنا الجوهر والمتحوى.. ها وسلامتك من كل شر وباس والسلام عليكم ورحمة الله وبركاته

سلمت ولا ندمت كفيت ووفيت والحمد لله أني لقيت من يفهم علمي ومقصدي جلست من البداية في صدر المجلس وقاموا حطوني بالمقلط
يابو الساهر لحية غانمة وافي ولا عليك الكلام
ولكن ناخوك التغيير يزيد النشاط ويشحذ الهمم وتراني طوال فترة غيابي أبدي منراس ذاك الرجم واشوف الأمور ماتغيرت واعود انكس دربي ولا أخفيك أني مشارك في منتديات من ديارنا وكذا والأمور من غيري ماشية يارب لك الحمد لكن حباً في أستمراريت هذا الصرح الشامخ طرحت هذا التساؤل ولا نشك في جهود الرجاجيل اللي قايمه عليه ولكنه الحرص وش تقول عاد ..
أصبحت الممنتديات مع برامج التواصل الاجتماعي مهجورة الا من أجتهد في ترميمها وتلميعها واخراجها بشكل العروسة في ليلة زفافها وودي ان منتدانا ينافس كل المنتديات على الصدارة ..
والسلام يابو الساهر .