عرض مشاركة واحدة

**شذى الريحان** · 12-05-2014, 01:35 AM

دخلت عاالجدة في غرفتها لقيتها مجهزة طباختها وتبغى تسوي قهوتها

قلت ياجدة انتي غاوية شقى لو قلتي واحنا نجهز اللي تبغييه

قالت كلمت الشغالة خسرتني وراحت تكمل شغلها

الله يسقي ايامي زمان راحت الهيبة وبقيت الخيبة

قالت فين ايام زمان

ُفين أيام زمان.. أيام العُمامة والسديري والُدكان

وديكَ الحارة المِشعشعَة بعيالها والدكة وبركة سيدي عثمان

فين هروج عم أسعد لأبوية عل المركاز ليل ونهار

فين الجُبة واللقيمات وعمدة الحارة الحِكمدار

فين قانون الجار للجار في الشدة والرخوة

فين الأخلاق الطيبة والكرم والأصالة والنخوة؟

فين العجوز اللي ماشي ببسطون وفي وجهو نور الرحمن

فين البقال الأمين وراعي الحق والبيان

الحب والرحمة والبركة والدلع ميشيو وهربو

وصار في شعبنة وصيام في رجب ولا احد عجبو

فين السقا والمسحراتي القايم

يردد ويقول اصحى يا نايم وحِد الدايم

البهجة راحت وحل محلها العِبس والكُتمان

والنفاق والغش والتدليس والسرقة والحرمان

راحت العمامة البرتكانية ومعاها الصدق وصفاء النية

راحت البهجة والفرحة واللقمة الهنية

فين الضومنة والكُنكان والكيرم والبرجون

فين زعقة العمدة وتهديدو بالكركون

فاكرين كيف كان جمب

الحرم زمان؟

عيلة تعرف عيلة وحارة تعرف حارة وكلنا أهل واحد مكان

اتفرقنا و"إتأمركنا "وضعنا وليسا ما إلتقينا
وبقايا حجاج كمان للأسف قالو علينا

ومالو ابائنا لبو نداء الرحمن

البركة والرضى كانت أعلام زمان

دحينة الكل ينافق عشان يعيش في أمان

مو حرام حارتنا تتكسرعشان اللي يقولوا عليه "وقف

وهيا أصلاً هرجة كلها واسطات ودف في دف

فين حلاوة رمضان ونور الفانوس؟

دحينة برج.. قد ايش طولو ! ولما يأذن يطلع نور ! زي نار المجوس

يا جماعة !! أنا في حلم ولا في كابوس

تروح هناك وتجي من هنا مزروعلك في كل حتة دبوس

خلص خلاص العدل والكل جالس جبان

فين الحكمة فين الشجاعة فين حكمة لقمان؟

أنا ما عشت مكة زمان بس على مبادئ اهلها اتربيت وكبرت

بس احنا جيل النت والواد ماشي مع البنت

احنا جيل اتبعنا للعم سام

وصرنا شُخشيخة في يده بس والله احنا ما نتلام

مو احنا اللي بعنا لجماعة الشيطان

ورفعنا الراية البيضة في وسط الميدان

مو احنا اللي بعنا هما اللي باعونا

وصحينا على أطلال وبعدها بهدلونا

قالوا كيف تكتب وتتكلم؟ انتا ما تتعلم؟

قلت محرووق على زكريات حارتنا.. قالوا لازم تتأقلم

قلت يعني أبيع الأرض والتراث و المجد والكيان

قالوا احنا مجدك وكيانك غير كدا مافي الا عُصيان

قولي انتا ياللي بتقرا.. حتقول ايوا انتو صح و الله العاني

ولا حترجع تزهم على سيدك بصوتك العالي؟

وترجعلنا السديري والعمامة البرتكاني؟

وتأكلنا زي زمان بليلة وكبدة وزبادي؟

وتجبلنا في العيد لدو وفوفل ولبان

ولا حتجلس زيييي كدا حيران؟

12-05-2014, 01:35 AM	#216
شذى الريحان عضو اداري كبار الشخصيات	رد: (♛‿♛) تكــــــــية جدتي .. دخلت عاالجدة في غرفتها لقيتها مجهزة طباختها وتبغى تسوي قهوتها قلت ياجدة انتي غاوية شقى لو قلتي واحنا نجهز اللي تبغييه قالت كلمت الشغالة خسرتني وراحت تكمل شغلها الله يسقي ايامي زمان راحت الهيبة وبقيت الخيبة قالت فين ايام زمان ُفين أيام زمان.. أيام العُمامة والسديري والُدكان وديكَ الحارة المِشعشعَة بعيالها والدكة وبركة سيدي عثمان فين هروج عم أسعد لأبوية عل المركاز ليل ونهار فين الجُبة واللقيمات وعمدة الحارة الحِكمدار فين قانون الجار للجار في الشدة والرخوة فين الأخلاق الطيبة والكرم والأصالة والنخوة؟ فين العجوز اللي ماشي ببسطون وفي وجهو نور الرحمن فين البقال الأمين وراعي الحق والبيان الحب والرحمة والبركة والدلع ميشيو وهربو وصار في شعبنة وصيام في رجب ولا احد عجبو فين السقا والمسحراتي القايم يردد ويقول اصحى يا نايم وحِد الدايم البهجة راحت وحل محلها العِبس والكُتمان والنفاق والغش والتدليس والسرقة والحرمان راحت العمامة البرتكانية ومعاها الصدق وصفاء النية راحت البهجة والفرحة واللقمة الهنية فين الضومنة والكُنكان والكيرم والبرجون فين زعقة العمدة وتهديدو بالكركون فاكرين كيف كان جمب الحرم زمان؟ عيلة تعرف عيلة وحارة تعرف حارة وكلنا أهل واحد مكان اتفرقنا و"إتأمركنا "وضعنا وليسا ما إلتقينا وبقايا حجاج كمان للأسف قالو علينا ومالو ابائنا لبو نداء الرحمن البركة والرضى كانت أعلام زمان دحينة الكل ينافق عشان يعيش في أمان مو حرام حارتنا تتكسرعشان اللي يقولوا عليه "وقف وهيا أصلاً هرجة كلها واسطات ودف في دف فين حلاوة رمضان ونور الفانوس؟ دحينة برج.. قد ايش طولو ! ولما يأذن يطلع نور ! زي نار المجوس يا جماعة !! أنا في حلم ولا في كابوس تروح هناك وتجي من هنا مزروعلك في كل حتة دبوس خلص خلاص العدل والكل جالس جبان فين الحكمة فين الشجاعة فين حكمة لقمان؟ أنا ما عشت مكة زمان بس على مبادئ اهلها اتربيت وكبرت بس احنا جيل النت والواد ماشي مع البنت احنا جيل اتبعنا للعم سام وصرنا شُخشيخة في يده بس والله احنا ما نتلام مو احنا اللي بعنا لجماعة الشيطان ورفعنا الراية البيضة في وسط الميدان مو احنا اللي بعنا هما اللي باعونا وصحينا على أطلال وبعدها بهدلونا قالوا كيف تكتب وتتكلم؟ انتا ما تتعلم؟ قلت محرووق على زكريات حارتنا.. قالوا لازم تتأقلم قلت يعني أبيع الأرض والتراث و المجد والكيان قالوا احنا مجدك وكيانك غير كدا مافي الا عُصيان قولي انتا ياللي بتقرا.. حتقول ايوا انتو صح و الله العاني ولا حترجع تزهم على سيدك بصوتك العالي؟ وترجعلنا السديري والعمامة البرتكاني؟ وتأكلنا زي زمان بليلة وكبدة وزبادي؟ وتجبلنا في العيد لدو وفوفل ولبان ولا حتجلس زيييي كدا حيران؟ ـــــــــــــــــــــــــــــــــــــ التوقيع أخر مواضيعي التعديل الأخير تم بواسطة شذى الريحان ; 12-05-2014 الساعة 01:49 AM.