[حصن الوادي]

أعجبني أسلوب الطرح ،، وتفاعل قحمان المنتدى في هذا الموضوع وبأسلوب حتى الموساد الأسرائيلي يبطي يجيب خبره.
.............
أووووووه يا ذا القحم معكم يالوسم ،، أشهد بالله أن يفقع المرارة.

و والله يا علمه ورشده ومعرفته أنها ما تسقيه جغمه ماي(ن) ،،****لكن الله يؤتي الxxx من يشاء.****
ونفعه الله وبارك له في قريته ببركة ذاك (المسيد) ،،****وبذاك البير الأرتوازي اللي في مزرعته ذيك شرقا ،، يتبيع الماء على جميع القبايل ،، والدراهم شيخته.
...........
القحم طيب وابن حلال ،، لكن معه من يشور عليه من ذولا الصفه وهو عنقفاهم.
وشي صحبه من عهد الجدان مع القبايل اللي بحرا ،، ولا ظنيت يقدر يقطعها ولا يقطع الهدايا والعطايا.
لكن أحسن ما سوى أنه اصطحب مع القبايل اللي شرقا ،، وآهم حتى هم يحبون الهدايا والعطايا.
.........
ذلحين يالوسم وش أقول لك؟
إن قلت لا تطاوعون القحم ،، ف والله يالقحم أنه أبرك من غيره ،، وأنكم لا تطردونه ما عاد تقعدون فالبيت حتى أنتم وأنهم لياكلونكم جيرانكم لحم(ن) ني(ن).
وإن جيت أقول أصبروا على القحم ،، ف والله أنه لعود يتخبط ،، وعود بخيل على أهل بيته ،، وضيعته ماهي قره وما ينصبر عليه.
لكن خلوها تتهايس ألين تلقى الطريق.********
.............
يالوسم ،، حد وأنت وأخوتك في بيتكم ،، وتشبعون عيش(ن) جوف بطونكم ،، ونوم(ن) جوف عيونكم ،، فقولوا (الحمد لله) وتذكروا حديث المصطفى "من بات أمناً في سربه ،، معافى في بدنه ،، يملك قوت يومه فكأنما حيزت له الأرض"
..............

همسه: إلى سلم بيتنا ليت القبس ما تورى.


أصدق الشكر وأعذبه /أخي الوسم.