رد: عالـــمي الخاص .. عبدالله الحديبي
اثاري الشوق يا يمه غلابي ..,
مشيّب بي و انا دوبي شبابي****
شباب . و طفل في صدري بكى لك****
ابي شوفك ولا طاوع غيابي****
خذاني البعد عن عينك ي عيني****
لابوه الشوق لامن صاب صابٍ
صدق من قال بان الشوق فاضح****
حزين وكل من حولي درا بي****
يقولوا الناس وش جاه الحديبي****
واغص ب حزن وعيوني جوابي****
كأني دمع ب عيون اليتامى****
مصاب وغيبة احبابي مصابي****
ياطير في عرين الفهد غنى
ي حرٌ ما عرف قيد و ضباب****
تعال وخذ من حروفي تحايا****
****و رح لابوي و اقرا له كتابي****
وسلم لي عليه وحب كفه****
وخذ من ريحته ريح لثيابي****
وقله : والله ان الذيب صامل****
وانا في هقوته لامن هقى بي****
على جرة خطاه اقديت ساقي****
الى عرش النمارة والذياب****
بإذن الله لاحقق طموحه****
واشرّع للعلا من كل باب****
وقله : والله اني يوم اغني****
حنين وشوق تفقدني صوابي****
يريد الرجل شوف ابوه وامه****
ويحداه القدر للاغتراب****
واذا **** هلت دموع الشوق لاهله****
كلوه الناس بعيونٍ وناب****
وانا ب اهل دمعي غصب عني****
وقلوا للناس لا تزيد ب عتابي****
اذا ما هل دمعي لوالديني****
فيالله لا تبارك في شبابي****
عبدالله الحديبي
ـــــــــــــــــــــــــــــــــــــ
|