مشروع ناجح من تجربة ناجحة
أعرف تجربة شخصية لعامل بنقالي كان يعمل ببقالة براتب 1200 ريال شهري
بحكم معرفتي الشخصيه به من 8 سنوات تقريبا
غير الله من حال الى حال بتوفيق من الله ثم بفضل تفكيره البسيط السليم
العامل لبق
بسيط الاسلوب
حسن النية
بدأ عمله بالرياض عام 2004 في البقالة
هو واخوه
كان دائما يقول لي ان 1200 ما تكفي وانه متزوج وعنده بنت صغيره
وعندها مدرسة وو .. مشاكل لا تنتهي
بعد 3 سنوات قرر انه يبحث عن وظيفة اخرى
واخذ الاذن من كفيله وهو شخص طيب ومتفهم
بعد فترة وجد وظيفة نقل بضائع ب2000 ريال وانتقل لها
كنت اشوفه كل يوم بالبقالة اخر الليل بحكم تواجد اخوه فيها
بعد سنة وحدة فصل العامل من وظيفته
وكان مجمع 20،000 ريال هي حيلته بالدنيا
وضع هالمبلغ دفعة أولى بسيارة عائلية جديدة
مع اقساط شهرية تعادل 1700 ريال لمدة 3 سنوات
سالته ايش هدفك من هالسيارة ؟
قال
ابغى اتعاقد معلمة ب1500 كل شهر
وموظفة بنك ( يعرفها مسبقا ) ب 1800
ويطلع دخلي 3300 صافي بعد 3 سنوات
كان هالكلام بالاجازة الصيفيه
طبعا ما كان يعرف هالمعلمة اللي بتتعاقد معاه
وحط كرته بالبقاله اللي يشتغل فيها اخوه
وسبحان الله قبل الدراسة بأسبوعين
تتصل عليه معلمة وتقول له أبغى توصلني للمدرسة
قال لها ب1500 ريال للشهر
وافقت طبعا
الى الان تحقق ما كان يسعى له وما تصدقوا كيف كانت فرحته
معلمة وموظفة بنك وسيارة خاصه
تغيرت حاله من 1200 ريال الى 3400 ريال
القصه ما انتهت
بعد مرور اول اسبوع دوام للمعلمة وللموظفة
كانت المفاجاه
طلبت المعلمة انه يوصل 3 من صاحباتها معها لنفس المدرسة
وجميعهن موافقات عالسعر
يعني 4 ب 1500 ريال
تطلع 6000 ريال شهري من نقل 4 معلمات لنفس المدرسة وكلهم قريبات من منطقة المدرسة
اختصارا لما آلت اليه اوضاعه الان
انضمت مديرة المدرسة مع الاربع معلمات
وبحكم برستيجها تدفع له 2000 ريال شهري
موظفة البنك طلبت من السائق يوصل اثنين من صاحباتها معها
طبعا السيارة تملكها وباعها واشترى سيارة اجدد موديل 2012
بالحسبة النهائية لدخله الشهري
4 معلمات x 1500 + 2000 من المديرة = 8000 ريال شهري ( يطلع الساعه 6 الصباح ويوصلوا مدرستهم على 7 .. ويطلع 12 ويوصلوا بيوتهم على 1 ونص )
3 موظفات بنك x 1800 ريال = 5400 ريال شهري ( يطلع 8 ويوصلهم البنك على 9 .. ويطلع 3 ويوصلهم بيوتهم على 4 )
والان اشتهر في عائلتنا كاملة
وصار يوصل يوميا مشوارين او ثلاثه بالليل
المشوار لا يقل عن 50 ريال << 150 ريال لليوم << 4500 ريال بالشهر
يعني
8000 + 5400 + 4500 = 17،900 ريال شهري
ما شاء الله تبارك الله عليه
طرحت هالتجربة
للشباب
فكرة مربحة ومريحة افضل من الاعمال اللي ب 3 و 4 الاف
ـــــــــــــــــــــــــــــــــــــ
|