اهداء : للعم الغالي علي الصعيدي ، وهو يستلم سيفه المذهب ، هدية
من الوالد ، راشد بن حسن بن معلوي من قرية المشارق .
ياعم علي كيف حالك كيف=ياعمّ ياعمّ وشلونك
يهدونك السيف وانت السيف=الصحّ للسيف يهدونك
يا ابن الصعيدي مقهوي الضيف=ماهي غريبة يقهوونك
السيف شالوه وقت الحيف=اجدادك اللي على لونك
مرّوا كما الحلم مرّ الطيف=واليوم مرّوا من عيونك
بالمجد والصيت والتشريف=اجدادك السبعة يجونك
ال الصعيدي شتاهم صيف=قل للمعادي على هونك
ماطاحت اقدامهم من هيف=مكنونهم طيب مكنونك
والشكر لاهل العطا والريف=ال المعلوي يعجبونك
ماني بفارس ولا عسّيف=لكن كتبتك بمضمونك
قصيدة الشاعر الحرّيف=ان ماتساويك جت دونك