[علي بن الحبين اليحمدي]

يالله ياللي عبيدك عند بابك وقوف
ياللي خزاينك ما ضاقت بكثر السوال

عليك نصر الضعيف ومنك رزق الكفوف
وفيك حسن الرجا واليك شد الرحال

جنبني الذل للحاجه و عزم الضعوف
وارزقني الهمه اللي تستحل الجبال

العزم يكفل للاعمى صنع عين(ن) تشوف
والياس يجعل حياته دون عينه محال

لو بالتمني تنال اهل الشفوف الشفوف
ما شفت ناس(ن) تشيل الجور لاجل الريال

واللي تعذر من الفرصه بوقع الظروف
لا فاتت الاولة ما عاد يلقى مجال

ما ينصف الحرف شكله بين باقي الحروف
بقدر ما ينصفه موقعه ضمن المقال

شف حبة الخال في الحسنا تثير الوصوف
سودا ولكن موقعها علامة جمال


#علي بن الحبين الزهراني