شوفوا الرسايل ونوعيتها الي توصل للمراقبين
بس لاحد يدري
.............................................
الرسالة الأولى :
السلام عليكم ...
كيفك يا مراقبنا - مراقبتنا.. اقولك تكفى ترى أنا اضفت موضوع
بس مدري شكله نزل ثلاث مرات بالغلط أحذف أي واحد فيهم ..
اللي يعجبك أنت بس أشر واحذف ..الله يخليك لي
الرسالة الثانية :
هلا مراقبنا - مراقبتنا..... اقلك شووف ترى في عضو قاعدلي كل موضوع يرد علي ويهزئني قدام الأعضاء
... ترى لو ماسكته بسوي شي عمره ماصار ... واقلبلكم المنتدى .. وقد اعذر من بنشر ...وسنفر
الرسالة الثالثة :
ياااأبو الشبااااااااااااب ألحقني ... كل ما أدخل المنتدى يطلعني بره ...
ومو راضي يدخلني وش الحكاية لا يكون الدخول بفلوس ...قولو لي
الرسالة الرابعة :
هاااي يا مراقبنا - مراقبتنا ... ممكن لو سمحت تعدل اسمي من الحلوة الى ملكة جمال المنتديات
الرسالة الخامسة:
كيفك عمري ... عساك مبسوط .. الصراحة شخصيتك عاجبتني
ولك هيببة في المنتدى بس ياريت يعني اذا نزلت موضوع ثبتلي اياه
ترى انا زعلانة محد يثبتلي مواضيعي ليش انا مو حلوه
الرسالة السادسة :
هي اقلك شووف مني مسلم عليك ولا شي انت أصلاُ ماتستاهل كل ما انزل موضوع تحذفه لي ..
عجيب والله ... ياخي مافيها شي لو الواحد يضحك شوية نمزح مع هندي ولا باكستاني.. كبر قلبك
الرسالة السابعة :
مساك الله بالخير سوبر ستار المنتدى ...
اخوي الصراحة انا مكسوف منك ودي أطلب طلب بسيط ...
يعني انا ودي اعرف كيف المشرف يتعامل مع المواضيع وكيف الطريقة يعني بالعربي الفصيح
ودي الباسوورد حق اسمك في المنتدى اذا تكرمت هههههههههههه
الرساله الثامنه:
ياخي تراك زودتها ... شايف نفسك علينا وكل مانكلمك ما تعطينا وجه
ياخي ترى الاشراف مو يعني صرت ملك .. قال مشرف قاال ...
انت أصلاً خدام عندنا يعني تخدمنا .. اقوول بالله جيب واحد شاااي>>>>>
الرسالة التاسعة:
حبيب قلبى... كيفك حبي .. عرفتني أنا أمورة .. واحشني كتيير ...
اقلك كلمني عالمسنجر ضروري ... بااااااااااي ..
الرسالة العاشرة:
(من المشرف العام)
السلام عليكم ..أخي
الاحظ كثرة الشكاوي من الأعضاء وكثرة المشاكل أرجوا تهدئة الأمور بأسرع وقت ..
وان تفعل أي شي لمصلحة المنتدى ... وشكرا ....
بعدها طلب استقالته فورا وريح راسه...
وبعد يومين جاه طلب اشراف في منتدى ثاني ...
وبس
دمتم بوود