[دخيلك]

قولها وقطع شكوك عاشت بصدرك دفان
حط حملك عن ظهرك وريح انفاسك تعاني

ترمي حروفك تهم .. حدها حد السنان
لا تزود بــ تهامك يكفي اللي منك جاني

لا حشى ماني على قول الحقيقة .. جبان
أنت ضيعت قدرك .. ما كفاك أنك أناني

يوم مديت كف المحبة .. ما طلبت الضمان
جاك قلب وسلمت روح .. من بين المحاني

وعتليت العروش .. وصرت حاكم كيان
وصرت لــ حروف القصيد أكبر مواني

ما شعرت بشخص باع العمر وعيونه رهان
ولجل حبك .. صار مجني وأنت جاني

روح لا تســأل غيابي .. والسبب ما كان
ما خفى من صورتك .. ظاهر وباني

لا تقول أني غريب .. ومالك بقلبي مكان
شوف جرب .. ووقف الوقفة مكاني

لا تظن بالقلب غيرك شمس غيرك ما تبان
خل قلبي جريح ن ينتظر حلو الاماني

خلني ببعد .. كفيل البعد بالنسيـــــــان
خل مركب حبنا اللي ضاع لصروف الزماني