[علي بن الحبين اليحمدي]

البدع / بن الحبين
يا سلام الله على الاقصى عدد ما هبت الانسام
يا منار العز وجهك شاحب وعينك تدس العبره
كنها عذرا يراودها الحيا من ضحكة الشمات
قد مضت خمسين عاما وانت من سد الحديد تداعي
ما ولا قاضي على وجه البسيطه قام في دعواك
لا تحرا فزعة اللي ما فتر يحمي على كرسيه
يحسب الدنيا تدوم لعرشه الزاهي وتمنه
اما انا لا عاد تحرجني وكفي للهوى مغلوله
سيفي ابطا ما وصل للنخل وازرا دون تمرها
البدر وضاح لكن ما هتك ستر الظلام الحالك
اثر ما يسطا على سود الليالي غير شمسها

الرد / عبدالله الجمل
والله يالمنتوج الاصلي ماترخص قيمته لانسام
المواعظ تذكره للناس والخبره حصاد العبره
والثمينه ماتصدر من بلاد القات والشمات
احسب ان الصوت سد الريع وآثار الحديد الداعي
خف من كثر العوى يالذيب الاسحم مايفيد عواك
كلمة المعروف تبقى راس مال وكل منكر سيه
رح بجهدك ماجبرتك تكفل المعدم وتمنه
ربما تضحك معك نص البشر وقلوبها مغلوله
انت ماتدري عن اللي تضمره ونهاية امرها
غير لاتغدي ضحيه للندم تحت الظلام لحالك
فلها ماحد دري وش قابلة بكره وش امسها