[بن حكمان]

فمان الله والدنيا لقى وفراق
ولا تقلق انا بنسى ، وتنساني

انا وش لي بعيشه جو ما ينطاق
بغيت اضحك معه ساعه وبكّاني

الا يا لعن ابوها لوعة الاشواق
ترّد القلب من عاليه للدّاني

وقلب الكاذب الغدار ما يشتاق
ولا يعرف يحب ولا هو انساني

ترى طعم المفارق مرٌ ما ينذاق
ولكن خير عندي من محبه شرّها جاني

بعد هذا (تجي)، (وتروح) بالطقّاق
انا قلبي معدَ يتحمل أحزاني

طفشت من الهموم وكتلة الارهاق
طفشت من الطريق اللي سهر عيني وعنّاني

فمان الله والدنيا لقى وفراق
مصيرك لو يطول الوقت تنساني