رد: كلمات مـــــــن القلــــب الــى القلـــــــب
يامعلقين الذيب باطراف رجليه
بالله وش سوا بكم تذبحونه
كلا يجرب به سلاحه ويرميه
تبغون فيها مدح وتعلقونه
صرتو عليه قروم والجوع حاديه
والا بدون سلاح ماتقربونه
الذيب ذيب ويرفع الراس طاريه
والقرم مايرضى عليه المهونه
وان كانه اخطى مايعرف المشاريه
الله يحب الستر لا تصلبونه
ياما من الحاجه سرينا مساريه
وياما لبسنا ثوب شكله ولونه
نرقب مراقيبه ونبدي مباديه
وانشوف كل اللي تشوفه عيونه
اما ورى اللي ينقش الوشم بيديه
ولا ورى اللي عاقباته قرونه
خلوه يستانس بعمره ويقضيه
لو من طراة البر لا تحرمونه
غفوة على راس المراقيب تكفيه
في راس رجماً يقصر الشوف دونه
ماعاد باقي بدو يكفيه مافيه
خلوه وسط البر ياكل جنونه
ـــــــــــــــــــــــــــــــــــــ
|