[شتآتـ]

اقتباس: المشاركة الأصلية كتبت بواسطة يحيى محمد الزهراني      فعلا اصبحت الزيارات بطرق رسميه حتى بين الكهيل يعني الكهله اذا بغت تسير على جارتها او من تحبها لازم اتصال للتأكد ان الوقت مناسب والا لاء وحتى القهوه وفوقها 50 او 100 ريال انقرضت وكذلك بسكوت با كري ما ادري تعرفينه يا شتات والا لا او حله صغيره عيش او كسرة خبزه واقلها ثلاجة قهوه خلاص كل هذه الامور انقرضت ولو تروح الحرمه او الرجال زياره قبل سابق موعد سيرجع من عند الباب ما احد يفتح له صراحه واقع يرثى له مع هذه الرسميات التي جعلتنا خواجه ونحن ما ندري وش هو الخواجه ههههههه راحت ايام باب البيت ما يتسكر الا وقت النوم ماضي كان حلو وبساطه بدون تكلف وبراءه من الفطره وبهذا لو تمنينا عودتها فأننا نرفض الحضاره والنعم التي ساقها الله لنا بفضله وقوته اذا لو عادت تلك الايام فلن تعود بتلك الحلاوه ولن تعود الا بعد ذهاب هذه النعم لاسمح الله وجهة نظري انا وربما انا غلطان فهل سيأتي من يصحح معلوماتي او يوافقني ؟ شكرا شتات على الطرح الرائع

صدقت والله
كل شي صار رسمي علشان كذا الزيارات والجمعات ماعاد لها طعم زي أول
وحتى الكهيل والشيبان ربي اشغلهم بالواتس
الموشكلة نص رسائلهم اخطاء املائيه 😂

مره رحت زياره عند وحده من صديقاتي ولقيت عندها امها كبيره في السن
وقت جلسنا ع السوفره قالت لحظه ابغا اصور .. قلت طيب تفضلي صوري ياخاله
وبعد صورت وخلصت اعطتني جوالها
قلت وش اسوي فيه قالت ارسلي الصور للقروب حقنا
طيب اي قروب وش عرفني
قالت قروب خواتي عندك ماتعرفينه
قلت لا والله ماعرفه ولا اعرف خواتك 😂
بنتها قالت خليه يومه اذا خلصت انا بارسلها
قلت لاانا برسل قبل يبرد الاكل علشان توصل الصور ساخنه..

الله يالدنيا حتى الكهيل الي نقول من جيل الطيبات تغيروا جدتي ماتروح لاحد الا بعد موعد ومعها صحن حلا وقاتوه بدال طبخة القهوه وترمس القشر 😔
وكل وحده توري الي جنبها الصور والمقاطع الي توصلها
حتى هم اثرت فيهم الفيروسات الدخيله ربي يحفظهم ويطول اعمارهم

الف شكر ع تشريفك وتكريمك بالتعليق والمرور ع الموضوع استاذ يحيى
الله يعطيك العافية