.
.
فتنة الحفل زيدي مشيتك بخترة
كل خطوة بروق وكل لفحه صهيل
باقي بين عقلي والجنون شعرة
اقطعيها ياشينه عاشق مو هبيل
ارقصي بين حد الذنب والمغفرة
ارحلي في سكونك واسكني في الرحيل
والفحي علمينا كيف تقدر مرة
تزرع الليل صبح وتزرع الصبح ليل
في عيونك سواد يستحيل أخره
كامنٍ في بياضاً اوله يستحيل
كن في الصدر ظبي عيوننا تذعره
ينتفض يذعر الي مذعرينه قبيل
ومفرق الصدر حبات العرق تجهره
كن لك عقد در وعقد من سلسبيل
بينهم حسد ربي بعد ما صوره
عقد وده يجف وعقد وده يسيل
آآه وليا لمحتك مقبلة مدبرة
شفت مثلي نحيل زم حمل ثقيل
دام ذا عجز وش للناس بالمقدرة
دام ذا خصر وش لي بالخواتم بديل
وسط ثوباً خيوطه صمت في ثرثرة
به قليلاً كثيراً وبه كثيراً قليل
كل شيء بجسمك يفضحه يستره
فيه فتنه قصير وفيه حشمت طويل
كل شيء ونقيضه فيك بالمسطرة
اقرب من النفس وابعد من المستحيل
باشت الغيد زيدي مشيتك بخترة
لاجل اطاول بحرفي شامخات النخيل
،،
(فهد عافت)