[بن حكمان]

ما هو بكيفك تأخذ القلب وتروح
قلبي، وانا في قلبي احوج من الناس

دامك كذا من حقّ لك تسكن الروح
وتزرع وسط روحي مآسي مع ياس

انا احسب ان الحب ما يصنع جروح
لكن يا قلبي من الجرح لا باس

تغلي دموع العين بالعين وتفوح
وشفايفي مـ اللي تسوين يبّاس

حتى الشعر دوبه قدر عنّي يبوح
كنّه توفى داخل الروح الإحساس

اللي يحب يعيش في هم وينوح
وفي مرحله يمكن بعد يرخي الراس

الحزن فيني يسكن جبال وسفوح
أصّد عن هوجاس وآعيش هوجاس

نايف بن حكمان