تخيلت الغروب احزان كسى وجه البحر تأثير=زوى في ركن ذا العالم ينازع سكرة اطماسه
يرقرق في الأفق عبرات شفع قبلها التبريـر=كظل المنسحب بهدوء مسلم واعلن افلاسه
منح لون الشفق مسحة ألم فيها الدما تعبيـر=وشيع دمعته موج استكانت لهثـة انفاسـه
عزاه الصمت والإيحاء وداول بينهم تنظيـر=بصمته وجمة التأبين , وزف ايحـاه أعراسـه
توشح بالجمال سفور وجير لوعتـه تصبيـر=وفاح بحرة آهاتـه أثيـر يسـوق نسناسـه
كعذرا بليلة العمر اعتراها م القـدر تقديـر=تحير مفتن وشفقـان , وللاثنيـن وجاسـه
تخيلته رحيل وصوت تبلم واكتفـى تأشيـر=شحن جو الوداع الحان كئيبه وانحنى راسـه
وبين الشاطئ ومبكاه تبلور أشده التصويـر=يصيغ الإستعاره اشكال وشكل فيه بجناسـه
أفول بجوقة الترتيل , تعلل مبهـم التفسيـر=طلاسم فيه مشروحه .. وتبيانـات لباسـه
يناغي أسهل وممنوع, يبرجم صفصف التفكير=ومنه وفيه وحي وإشتفافة قمـة احساسـه
تخيلت الغروب ايقاع .. تخيلته حدث تغييـر=يعيش بداخلي إلهـام بمقياسـي ومقياسـه