ماني على هذي القصايد شفق ...
[poem=font="Simplified Arabic,6,#000000,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
إذا قصايد مُغرمك ماهي بترقى لمستواك=ماني حريص استغرق انفاسي على شكانها
انتاج ما يرضيك ما يشبع فضولك أو هواك=مع مهملات اشياءك اللي ما تغيب احزانها
يا منتهى الذوق العذي والفطره اللي من حلاك=تسابقت حلو السوالف لول فوق لسانها
مره تسولف عن جمال الورد ويفوح بشذاك=عطر الورود اللي ذكرت تمايلت اغصانها
يا اللذّه اللي خامرت عروق من نشوة رؤاك=ما بين ابو الطيب ونبض ابو العلا قيفانها
ودي اخل الحرف يرقص ينتشي يطلب رضاك =من قبل ما ينصاغ لول وماس بين اوزانها
لنك بلاط الشوق والاحساس عالق في فضاك=سلطان هذا البوح وارض البوح يا فتانها
كلك على بعضك حلا اشياءك تموت بأناك=تتسابق اشياءك على وصلك قبل حرمانها
حتى تفاصيلك تماريني بها احزاب لغلاك=وانا اشتكي من جملة افعالك ومن خلانها
لك شهر تسرف بي وانا ما بين وصلك او جفاك=استحلف انفاسي على صمتي اذا قد خانها
علم عيونك ما شبعنا منك لا تسرق مساك =وسوالفك موسم عنب يتعلق برمانها
والله ورب التوت هذا المنغمس داخل شفاك=ماني على هذي القصايد شفق لولا الوانها
متيمك مغرم بها ويذوب في باقي شباك= من راس ابهامك وسبابتك لين اوجانها
هذا وانا مدري خفاك الهجس والا ما خفاك=عاد القلوب تحن لو تبطي دما شريانها
الله يعين اللي تعلق منك في طارف حماك=لا نابه احسانك وعينه ما التقت بجفانها[/poem]
ـــــــــــــــــــــــــــــــــــــ
التعديل الأخير تم بواسطة العرنين ; 12-02-2008 الساعة 01:04 PM.
|