[أبو فيصل]

[align=center]
السلام عليكم ورحمة الله وبركاته .....

هذهـ الأبيات التي تعدّ من أطيب ما قيل في النصح .... رائعه


ألا يالبـيـب أحاول أجيب مايطربـك

........................... ولـو ماذكـرت أسبابه اللـي مسببتـه ..!!

تخيَّرت ممَّا يشرح الصدر حَبـك وسَبـك

.......................... وطوَّعت منها الصَّعب والسهـل صعَّبتـه ..!!

أنا أتعب على بيت القصيدة وحبكه حبـك

........................ وإذا مامشى طوعاً علـى الوجـه شقلبتـه ..!!

أبنصحك ياللـي دايمـاً للعـلا مطلبـك

......................... تحذّر مـن اللـي ماتسـرّك إمصاحبتـه ..!!

تخيّـر صحيبـاً تفتخر بـه إذا صاحبـك

......................... صحيبـاً يطيب الجرح من طيـب قاربتـه ..!!

تقيـاً نقيـاً لـ التقـى والنـقـا يجـذبـك

........................ سجايـاه عنـد الله وخلـقـه محببـتـه ..!!

إذا كبرت القاله رسـى فالقـسـا يعجبـك

......................... يـروم المعـالـي والليـالـي مدربـتـه ..!!

يعـد الثنـا وإليـا ترديـت ماعذربـك

.......................... يزول الجبـل مـازال طـبعـه وماربتـه ..!!

ويخلـّصك من بيـن الشرابيـك ماينشبـك

......................... ولا يقـرب أمـر ٍ مـا السلامـة بعاقبتـه ..!!

وذا أخذت حقه وأنت غـرّام ماطالبـك

........................ لو انـك تجازيـه الـردى عقـب طيـّبتـه ..!!

لك الشكر مني ياصبر ما أجملك وأطيبـك

........................ يقولـون ماينـدم لـزيـمـه .. وجربـته ..!!

أعلق الامل بك وأتعلـق علـى منكبـك

......................... إليا ضيّـع المغـرور حــقـه ومرتبتـه ..!!

ياعبدالله إسمع مَـن يوصيـك ويهذبـك

......................... صديق ٍ لبـيب ًٍ .. والتجـاريـب مدَّبـتـه ..!!

عليك بعمل مايرضـي الله مـن واجبـك

......................... أليا الله حفـظ دينـك .. حفظتـه وراقبتـه ..!!

رضا الله ورضا أمك عليك ورضا شايبـك

........................ عطهم من كرم ربـك وفضلـه وموهبتـه ..!!

لك الله لو تحجّـج أمك علـى غاربـك

........................ ماقـربت مَـن ما قدَّمـت لـك ولا جبتـه ..!!

ترى أبوك ظنه فيك طيب ولو يغضبـك

......................... ولا يبغضك .. لـو بعض الأحوال مغضبته ..!!

وترى مكسب الطوله بعيداً على شاربـك

......................... إذا ظـن بـك ظن ٍ جمـيـلٍ .. وخيبتـه ..!!

ثلاثة عشر عاماً وأنا أعلّمـك وأدَّبـك

......................... ولا أدري بعـد وش الليـالـي مغيبـتـه ..!!

علي يشهـد الله ماترديـت فـي منسبـك

........................... رفعتـه بتوفيـقٍ مـن الله وعـّربـتـه ..!!

ولا يختلف عن ماسلـف لـ السَّلـف مذهبـك

........................... تـرى ماحـدن منـا تهـاون بنايبـتـه ..!!

خويّـك وجـارك لاتشيّـن لهـم جانبـك

........................... ولو صار لـك منهـم خطـاً ماتحسبتـه ..!!

ولا جاك مـن لا رايفـاً بـك ولا هايبـك

.......................... فلا بـاس تاطـا بالقـدم فـوق معلبتـه ..!!

ولا جنّبـك وجـه القشـر خلَّـه إيجنبـك

.......................... تـرى ماعليـه إحسوفـةً لـو تجنبـتـه ..!!

:

:


الشاعر القطري / مسلم بن عبدالله بن مرهي المري ..[/align]