قصيدة : ذوق ..
زمن محيّر ، كيف للبوم يشهر ؟
و الحر في جوّه ولا احدٍ درابه !!
انا اشهد انه شي يوجع ويقهر ..
" و زمن يزيدك كل يومٍ غرابه !!
والعيب ماهوبْ في تواريخ واشهر
العيب : في ناسٍ كديشٍ تشابه #
.. ناسٍ تصفق للقطوّ لين يظهر ..
ويحسّب انه : ذيب بين الذيابه !!
وياصاحبي المشهور والصوت يجهر
- ياللي ذبل .. قدام زهرة شبابه -
الذوق لا شفته .. ( مربّع ومزهر )
# لا تقلعه .. وتزيد فينا الكآبه #
اما تسوي شي : يذكر ، وتبهر #
والا اترك التاليف لاهل الكتابه .
[ وانا لو ان لي شور لآمر و ل انهر ..
وياللي بلا تثقيف : لاحجب سنابه ]
عبدالله عيضه
11/11/1439
ـــــــــــــــــــــــــــــــــــــ
|