[ألمحيط]

جيتك وانا في داخلي ثورة احساس = وصراع مابقى من الصمت ذره
كني بقايا انسان عايش مع الناس = محروم حتى من ليال المسره
ابكي على حلما تحطم على الياس = وبين الضلوع العوج باقي مقره
اذوق منه الويل قطاع الانفاس = واضمر عن المخلوق باسه وضره
من شافني يحسب مصفا لي الكاس = جمر الجفا الحراق ما ذاق حره
ولاهو بلجات الهواجيس غطاس = مرتاح من هاجوس فكره وشره
عزاه يا قلبا رهيف وحساس = محصور بين اخطار بحره وبره

راشد الجمعان ( المحيط )