يالله ياللي عندك السر مخبور = يا عالم في البينه والخفيه
تكتب لنا في منهج اهل الهدى نور = وتجعل لنا في الحق نصره قويه
يالله يا جابر عظم كل مكسور = تجبر خواطرنا وتصبح رضيه
وصدورنا تجعل بها شرح وسرور = من كل هم وكل هاجس عفيه
يالله لا تجعل بنا وهن وقصور = وتعيننا في كل صبح وعشيه
تكتب لنا منزال في جنة الحور = وافوز عندك في رضا والديه
في يوم فيه الخلق عندك به حضور = يرجون رحمتك الوسيعه سويه
وتجعل كتابي وسط يمناي مسطور = واكون عندك من خيار البريه
راشد الجمعان ( المحيط )