يا لوز يا محلا ثمرك وجمالك = لو بوصفك ما اوفيك معنى وتعبير
منبتك في رياض المحبه لحالك = ماله مثيل بوسط دار المصاقير
اللي عليها شوق روحي تهالك = دايم وطاريها معي وين ما سير
وافخر بها بين الخلايق كذالك = وعندي غلاها يفوق كل المعايير
ياشوق عيني زاد حد احتمالك = وتركت في قلبي من الوجد تاثير
كم اتمنى تحين ساعة وصالك = واحضى بهاذيك الرياض المزاهير
واقضي احلى اوقات فيها قبالك = وامتع اسماعي بصوت العصافير
اللي تغنت فيك من حبها لك = ودايم تجينا بالفرح والتباشير
راشد الجمعان ( المحيط )