يسلم شبيه حبيبي سيد الأريام = اللي وصوفه بالخلايق قليله
الله عطاه القسم الأوفى بالأقسام = معطيه وسط الناس صوره جميله
عليه من وصف الحلا رسم ووسام = ابو العيون الحاليات الكحيله
لو بوصفه من ساس راسه للأقدام = وصفه على بيوت الشعر مستحيله
لجل الحقيقه ما تجي مثل الأوهام = الفرق شاسع والمسافه طويله
عزاه ياقلب تولع بالأحلام = وغير التمني مابقي له وسيله
محروم من شوف الغلا طول الأيام = مكتوب باقي العمر فرقى خليله
وصبره على بعد الحبيب اصبح الزام = وسرد القصايد ما يطفي غليله
راشد الجمعان ( المحيط )