لا تجرحون القلب يكفيه ماجاه = ابغى اهتني في ما بقي من حياتي
تعبت من كثر السهر والمعاناه = وتعبت من تجريح قلبي وذاتي
والله لو قلبي يبين خفاياه = ماغير يفرح في عذابه عداتي
ويلاه من جرح المحبين ويلاه = اللي منه صارت خطيره نجاتي
وخلاني أعرف دمعة العين والآه = وفقدت صبري والصبر من صفاتي
لو كل متمني حصل ما تمناه = ماجتني الدنيا بعكس امنياتي
ولا اشتكيت من المودين مأساه = ولا حصل منهم عناي وشتاتي
راشد الجمعان ( المحيط )