ثار الحنين وثار بركان الأشواق = والدمع سال من العيون الحزينه
وحسيت في قلبي رجيف وخفاق = وآهات كانت وسط صدري دفينه
واليوم روحي كن فيها الفضا ضاق = كأنها بالكون كله سجينه
واخفيتها من حرص مني بالأعماق = مثل الأمانه باليدين الامينه
لكن مع الهاجوس تسري وتنساق = وترحل معه في كل بر ومدينه
والبعد سم ولكن الوصل ترياق = واللي انقطع وصله عسى الله يعينه
محروم ماعنده وسيله ومشراق = محصور مابين القهر والغبينه
عزاه ياقلب معنى ومشتاق = غرقان دايم وسط لجة حنينه
راشد الجمعان ( المحيط )