نظرت في بحر ينبع والقمر ساري = ورسمت لك فوق موجه ياقمر صوره
ونثرت حرفي على شاطيك واشعاري = من حولها ذكريات العمر منثوره
امرني الشوق اطوي بعد مشواري = جيتك وروحي على لقياك ماموره
اشكي انيني واهاتي واخباري = اللي لها سنين وسط النفس مغموره
يابحر انت ونيسي بعد سماري = بالحيل احبك وروحي فيك معذوره
اسير لك في ظلام الليل من داري = وكل الأحاسيس بالأعماق مأسوره
واكتب بدمع الوله في صفحة اقداري = وقصة حياتي على موجتك منشوره
ان وصلت الغزر والا وصلت العاري= تبقى على حدك المخبور محصوره
ماتبين للشامت اللوام والزاري = كانها جوهره في وسط بلوره
راشد الجمعان ( المحيط )