لا تعتذر قفلت من دوني الخط = وانا على وصلك شفوق ومشتاق
تركتني واقف فبحرك على الشط = كأن بي الكون من صدمتي ضاق
وخط اتصالي واتصالك تمغنط = ولا عاد يوصل فيه هاتف وبراق
من علمك تقسى وتهجر وتغلط = وانا احسب انك لي علاج وترياق
امسيت منك مشتت الفكر محبط = وهدمت صرح لك بنيته بالأعماق
حذرا تعاتبني وتغضب وتشتط = وانت الخطى من جانبك جاي منساق
لا تحطني فيما تسويه بالوسط = وترجع تعاملني على غير ماراق
راشد الجمعان ( المحيط )