هل رمضان وكل مسلم فرح فيه = يا مرحبا به بعد غيبه طويله
شهر الهدى والخير ربي يحييه = الله يوفقنا لكسب الفضيله
والفرض في وسط المساجد نؤديه = ويعود تذكار الليالي الجميله
والهم عنا مالك الملك يجليه = وكل شر الله بلطفه يزيله
وكل خاطر مسلم الله يصفيه = ويبري جروح اهل النفوس العليله
ويجمع الله كل غالي بغاليه = ويفتح لبيبان المواصل وسيله
ومن قدم الحسنى عسى الله يعطيه = رب البريه والعطايا الجزيله
يالله ياللي كل الأشهاد ترجيه = تكتب لنا الجنه وخير الحصيله
راشد الجمعان