جعل السحاب اللي تلامع بروقه = يسقي ثرا فيها نشا كل غالي
الله على دار الحبايب يسوقه = حتى يسيل كل سهلا وعالي
ويروي بها نبت الثرى من عروقه = ويخضر فيها كل عذبا وحالي
يجنيه جناي الثمر من عذوقه = وتطيب للسمار فيها الليالي
اللي جرى حب الوطن في خفوقه = وماله بها الدنيا شبيه ومثالي
عليه نور الله متمم شروقه = وفيه الرساله والصفا والمعالي
نوفيه حقه ما ننقص حقوقه = وبرواحنا نفدي الوطن ما نبالي
راشد الجمعان ( المحيط )