سهم الموده صابني بين ضلعين = وانا سهوم الود صعبه عليه
اخاف يتعب عندي القلب والعين = وتبقى معي نيران الاشواق حيه
واجني على نفسي من اهل الهوى دين = وابقى ضحيه بين ظلمه وغيه
من بعد ما ولى زمان الصفى الزين = من وين احصل وقت مثله وزيه
اصبح بجرح الود وامسي بجرحين = وعلاجهم ماهو سهل في يديه
لاوين يا جرح المودين لا وين = لا وين ما ترحم قلوب البريه
بحر الموده كم غرق فيه ساعين = وارواحهم راحت بوسطه ضحيه
راشد الجمعان