ليت الزمان اللي مضى يرجع شوي
ويـرجـع مـعـه مـا راح مـن ذكـرياتي
اللي معي تاريخها في الحشا حي
وفـيـها مـوثـق واقـعي مـن حـياتي
يــوم الـلـيالي مـسرجه كـنها ضـي
وفـيها اجـمل ايـام الـعمر وامـنياتي
والـيوم يـطويها سـجل الـزمن طـي
لـكـنـهـا حــيــه بــروحــي وذاتـــي
مـاعاد عـندي غـيرها بـالصدر شي
ولا عــاد يـفـرق كــل ذاهــب وآتـي
جعل السحاب اللي معه بارد المي
يـسـقـي ثـــرا دار الـوفـا والـثـباتي
يـجـعل شـرايـاها عـلى روضـها ري
حــتـى بـهـا يـخـضر عــود الـنـباتي
الـلي لـنا فـي ضـلالها مـنزل وفـي
مــا يـنـسي طـول الـعمر لـلمماتي
راشد الجمعان